تكفي رسالة تثبت إني على البال=ما قلت أبا آخذ من عيونك نظرها
قصدي اتطمن عنك يا طيب الفال=يا من كتبتك في قصيدي دررها
من قلت باكر ليل الأشواق بي طال=يا ليل باكر عجلي به قمرها
الدمع عقبك لا تطاريت لي سال=ما لوم عين هلته من قهرها
لا تنشديني وش بلى حالتي حال= العين تبكي قالوا إنه قدرها
من قال تنسى ما صدق قول من قال = معقول تنسى وش سبايب سهرها
قالوا لي أوصف قلت أنا وصفه هبال= وأخاف أنقص في وصوفي قدرها
أحلى النواظر فوقها الحاجب هلال= كعب الترايب مستقيم ظهرها
الخصر ضيق كنه بضيقه عقال=أشقر وكنها قصرت من شعرها
لها شامتين وأسمها عندها خال= فوق الشفايف وثانيه في نحرها
الأرض ترجف تحتها اهتزت جبال= كن الفلك يمشي وياقف بأمرها
متعجبة في نفس الأوقات تختال= من حقها ومن حقي أتبع أثرها
كان الحلا يشرب على ذكره دلال= بشرب على ذكر ألغضي من بحرها
وآخر ترى أرسلت له ألف مرسال= ما جا ترى رده ولا جا خبرها

الأرض ترجف تحتها اهتزت جبـال
كن الفلك يمشـي وياقـف بأمرهـا
متعجبة في نفس الأوقـات تختـال
من حقها ومن حقـي أتبـع أثرهـا
كان الحلا يشرب علـى ذكـره دلال
بشرب على ذكر ألغضي من بحرها

ونحن نشرب من نبعك الصافي حروفا عذبة

لاهنت