دنيا العجايب والعجايب إشارة=في قرب يوم ٍ يابشر ننحشر فيه
أحوال هالدنيا خسارة بخسارة= والله يستر عمرنا كيف نقضيه
تشوف ما يلفت نِظَــرْك بإثارة= شي ٍ غريب ٍ شوفته ما تدانيه
هالوقت ناسه تتصف بالحقارة= تمشي بطريق ٍ الشــرف ما مشى فيه
تحسب ســـواد الوجــه فــن وشطارة= وهذا كلامي واعتبـر من معانيه
أيام عمـــرك عدّها كالتجارة= اربح في يومك قبل بافلاس تنهيه
لا تتبع اللي راهنك بالخسارة= يوهمك في وده وهو الحقد ماليه
اللي يقول الوقت عصر الحضارة= ماشي طريق ابليس وابليس مغويه
بافعاله الشينه يجيب الصدارة= يكسب من ايدينه ذنوب ٍ تغطيه
ولا ينحدر قدرك مع اهل القذارة= جنب عن الواطي واحذر تماشيه
لو كان به خير ٍ حفظ عرض دارة= اللي يدنّس عرض الأشراف بيديه
بكرة الزمـــن ياخذ من الدّين ثارة= وراسك بيدك ترفعه او توطيه