قصيده موجهه الى الشاعر القدير / فايز فيحان الذيابي =
انا علـى مبـدى حقيقـي يافايـز = مبـداي ثابـت ماتغيـره الايــام
عن موقفي ياشيـخ مانـي بجايـز = فى موقفي ياشيـخ ثابـت وجـزام
وش موقفـي لاوزعـن الجوايـز = وراحت يابن فيحان من حظ الاقزام
والبيت ثابت فوق ذيـك الركايـز = وانا نظـر عينـي يافايـز لقـدام
ماني مكلف فـي قبـور الجنايـز = ولاني باكي ميـتٍ مايـت العـام
ومالي وراء بعض الاوادم عوايـز = ومالي وراء ناسٍ تشبث بالاحـلام
وان رفيقي مثـل ابونـوف حايـز = على المراجل حايزٍ كـل الارقـام
ياشيخ اكيد اتقوللي ويـش عايـز = واقولك وش قرب الشـرق للشـام
وش رايك بمن قال انا صرت فايز = اللي يلمع صورته وسـط الاعـلام
اللي يهوز طويـق ماهـو بهايـز = قله فشل فى مصادم القـوم صـدام
والله ماقبـل باعثيـن الجنـايـز = نـاسٍ تحلـم وش يفيـدٍ الاحـلام
الــرد مـــن الاخ / فـايــز =
ياحي من سـاق البيـوت الغزايـز = سوق الهوى اللي تتبعه حلو الانسـام
ينقد علـى للـي يتبعـون الغرايـز = مثل الجسد صابر على بعض الاورام
والرجل عيـب ليامشـى بالوزايـز = وظيفة الانسان فـى الاصـل خـدام
ونوب البطل يخدم ضعوف العجايـز = من شان مايتـرك تعاليـم الاسـلام
وحدٍ يخـدم اهـل الـردى باللفايـز = وعلى ادروبه راحو احزاب وقسـام
لكـن لـن جـت يافهـد للفـرايـز = والله لينـدم مـن تمنيـه الاوهــام
حتى ولو تغريـه بعـض الحفايـز = حظ الدفاتر مـن مكاتيـب الاقـلام
وش حيلة المسمار لن صـار بايـز = يدور بوش وتقطمـه سـود الايـام
حتـى ولـو كثـرت فيـه العنايـز = الله تعـوذ يافهـد شـر الاصـنـام
لوهو شبح فى الخط عـود يطايـز = ولافيه ميت فى البشـر يافهـد قـام
ونتـه ابونـواف عايـز وعـايـز = تبغى القلوب تصير في نظف الاجسام
ولبسـت ماتلبـس عليـه البـلايـز = والطول منيـة يافهـد كـل الاقـزام