|
بشت الطرارة !!!!!
هذي قصيدتي ردا ً على قصيدة الشاعر / ضيدان بن قضعان ( بشت الغناة ) وعلى كل من تنكر لتراب هذه الأرض الطاهرة من أجل حفنة من المال !! خيبت ياضيدان ظن الملايـــــين ................... يومك تحسب ان الجسارة شطاره يكرم عن افعالك رجال ٍ حشيمين ................... ناس ٍ خذوا للعز حـــقـّه وثــــــاره وفّ الذي في بطنك اليوم من دين .................. وخل ّ الأماره عنك لاهل الأمـــاره رئيس مركز راس مالك خويـــين ............... هــذا ترى وضعــك وخــل العيـــاره إن خبت فلنفسك وربعك بريـــّــين ................ وان طبت فالطــيّب بــيدّه قـــــــراره ربعك قروم ٍ في النوازل شــياهين ................ والهرج يغني عن طـــواله قصـــاره خل الذي قال انت وينك وانا وين .................. يجي معـك يمكن يعرف الحضاره واللي نوانا بالردى والــملاســــين ................. الله يــبــعد دارنـــــــــا عن ديــــاره لوراحت سنين ٍ وجابـــــنك ســــنين ................. ماللشــرود اللي جــــلا غـــير داره كنـّك عقب ماطحت من عين الادنين ................. مثل من ايصــلي بلــيا طهـــــــــاره وياللي نزلت الدور واحـد وخمسـين ................. في فندقك واشعلت في التبـــغ نــاره أظـنك بتــقــعد زمــان وزمـانــيــــن ................. لافــــيه لا لنكــن ولابـــه عــــــماره ولاّ وش اللي سكّـنك فنــدق العيـــــن .................. مادام قصرك شـــيدوا لك جــــداره ولاهوب نقص ٍ في الرجال الكريمين ................. ألاد مكــــتـوم ٍ شيـــــوخ النعــــــاره لامن عطوا يعطون في العسر واللين ................. عطا رجال ٍ ماهقوا بالخــســــــــاره لا شك من يمشي بوجـــه ٍ ووجهــين ................. يفقد من عيون البرايــــا وقــــــــاره وحمدان شيخ ٍ من شيــوخ ٍ مـــيامين ................. يشهد لبو المــدات ضيفه وجــــــاره فــزاع ذا فــزاع نســل السلاطـــــين ................... حر ٍ مكانه فوق عالي المــــــــناره بعض العرب رجـــال ويوفـّي الديـن ................... حتى ولو هو خاســــر ٍ بالتجـــاره والبعض لو يعطى مفاتيح برلــين .................... أكرمكم الله جر ّ فيــها حــمــــاره واللي يبيع ارضه ولو بالبلايـــين .................... حرام والله فيه ددســـن غمـــــاره بعت السعودية بفلس ٍ وفلســــين ................ وزهدت فيها برخصة ٍ واستمــــــاره الوقت يمضي وساعة الصفر بتحين ............... وموعدك شرقي نجد حول الزبـــــاره لابـــد مـاترجـــع ولا لك مـوالـين ............... وينــــــكرك خل ٍ لك وتنــــكرك داره واللي خِلـق مـن طين مرده الطين ............... اللـيـــل مقـبـــــل لو يطـــوّل نـــــهاره باكر الى من جاك واحد من الصين ................ وعطاك قصر ٍ مابعد سيق اجـــــــاره بتـنـزع بشــوت دبي وتروح بكــين ................ وترجــــع تكرر نفس ذيك العــــــباره ( أن طعتني روح علي يا احمر العين ............... بشــت الغـــنـاة ولابشـــوت الأمـــاره) من يوم انا شـفتك مع اريام يالشــين ............... وانت اتــّغزل في جسدها بجســـــــاره تقول لبى( كبـدش) وضحــكة العين ............... ولا حسبت حســـاب نـــاقـد وشـــــاره وانا غـسلـت يـديّ وحــــدة وثنتـــين .............. منك وعرفـت انك عـديــــم المـــهـــاره ضيّعــت ياضــيــدان شيّ ٍ وشيـــين .............. مثل اللي ضيّع صـيــــــدته في غـــباره وبشت ٍ نزعـته قــد له سـنين ومنـين .............. باكـــر ترومه لا تـــــحرك قطــــــــاره في ظل ابو فـيصل لبــسـنا النيــاشين .............. وقمـــــــنا معه في كل هــيّه وغــــــاره يامـــر طــويل العـمــر وانـّـا ملبـــين ............. وحــنــا معه رهـــن الأمر والاشــــــاره ذولا شيـــوخ الـدار حمّـــــاية الديـــن ............. أهل الوفــا واهـل الكـــــرم والظـــفــاره وبشت الستر مع عـــز ٍ وزود تمكـين ............. أرحم من بشــــــوت ٍ تجـــــي بالطراره قديم الشوق |
أبدعت يا ابو نواف
قصيدة وافية من شاعر جزل صح لسانك و لاهنت تقبل تحياتي |
اخوي قديم الشوق بيض الله وجهك على الجميله كفوا والله
تقبل تحيات اخوك ( نادر العتيبي) |
قديم الشوق صح لسانكـ وأحساسكـ قصيدة جميلة من شاعر مميز نغمـ |
صح لسانك وجاد نظمك لاهنت ولاهان راسك تحياااتي |
. . شاعرنا قديم الشوق . . صح لسانك مدد بلاعدد على هذه القصيده الرائعه بروعة حضورك وتواجدك . . . . إبداع ممن إعتدنا منه الإبداع والتميز . . دمت بهذه الشاعريه . . . . . تقبل فائق تقديري واحترامي |
قديم
الشــوق الله عليك والله على بوووحك صح السانك مدد وبلااعدد تحيتي لك السعدوني |
بيض الله وجهك ياقديم الشوق
قصيدة جزلة من شاعر جزل صح قلبك الين ترضى يالقرم |
صح لسانك ولاهنت
استمتعنا بهذه اللوحه الشعرية الرائعه تحياتي |
سلمت وسلم نبضك على هالنص الراقي سجل اعجابي ومتابعتي ولك تحياتي |
| الساعة الآن 01:36 AM |
Powered by vBulletin® Copyright ©2000 - 2026
