يــــامحــمـد مـــرة ٍ دقــــت عــلــي بنـــت ٍ اكــابـر = صوتهــا يـذبــح يابـــو مشهـور يــابـــه جــاذبيــه
قــالت انت تقـــول شعــر وقلت انا يابنت شـــاعـر = ومـتخـصص يــالحبيبه بــالقصـــيده العـــاطـفـيــه
قــالت ابي اسمـع قصيــده قلت حاضر وانت تــامـر = بـس قـبـــل اسـمعـــك بــــاللـه مـن دلـك عــليـــــه
قالت انـا قـد قـريت اقـــرأ وحصـلت اســـم نـــادر = يـــوم تـكتب بــالمـــرافـي عن قـنـــاة ٍ عــربـجيــه
واتـصـلـت وحولـوني للـمـرافــي عـنـــد شـــــاكـر = قلت ابــي رقـــم العتيبي لاستشـــاره شـــاعــريــه
حـــاول التـصـريف لـكن بالنـهـايـه قــال حــاضــر = ثــم اخـذت الرقــم من عنده لـكـن عـن حـسـن نـيه
قلت طيب قـــالت ابي اسمــع قصيده في جــــواهر = قـلت هــذا اســمـك؟ وقالت لي نعـم وانــا ابـــدويه
عـــايشه وسط الرياض وديرتي بالاصـل ســاجـــر = طـــالبـه بـالطــب وبـــأخــــر مــراحــل جـامـعـيـه
قــلـت طيب يـاجواهــر ليه مـاتتــصــلـيــن بـاكـر = بــجمع اشعــاري وابــا اسمعــلك ابيــــات ٍ قــويـه
قالت ابشر واتفـقـنا وصــرت طـــول الليل ســـاهـر= انـتظــر بــاكر يجـــي لـــكن ضنـي مــاش جــيـه
راحــت ايـــام ولــيـــالـي ماتـصلـتي ياجـــواهـــر = الـقــصـيد محــضـــره لـــــكن ويــنك يـابــدويـه؟