مرحبا عِد ما لاحـت بروقهـا=ياهلا مرحبا مرحبـا يـا هـلا
والرجاجيل ما ننقـص حقوقهـا=وإنت حقك على إحترام وغـلا
والركايب لِك اليـوم باسوقهـا=سوقةٍ ساقهـا الله جـل وعـلا
وكلمةٍ تخـرج يَبيّـن منطوقهـا=تنطـق بمـر وَلاّ يزيـد الحـلا
ذوق معنى القصيدة وأنا ذوقهـا=في آخر البيـت وّلا مـع الأولا
البنية تبيـك إنـت يـا شوقهـا=والمحبة كِـذا تنعـرف للمـلا
قبلك النفـس تُبلـى بمعشوقهـا=أشهد إن المحبـة سقـام وبـلا
ناظر غروبها وناظـر شروقهـا=شمسِك اللي لها الحب ولها الولا
خايف تصير يا خوك محروقهـا=ويحترق قلب رجلٍ مَلاّ وامتـلا
لاختلف طعمها وطعم طاروقهـا=فالجلا ياعميلـي عليـك الجـلا
من سلـى بالمحبـة وطابوقهـا=محـدٍ قبلكـم فـالمحبـة سـلا
عِز نفسك وشف منبت عروقهـا=شجرة الطيب فيكم ماهي تنقـلا
روغ من تحتها وأمش من فوقها=كلمة أهل الردى وفعلـة النـذلا
قالهـا شاعـرٍ سابـق سبوقهـا=عارفٍ وقاري كتاب الله المنزلا
تمت اليـوم بجمالهـا ونوقهـا=ياهلا مرحبا مرحبـا يـا هـلا