ابعلن ثورة اشجان الغلا من دون هاك الخوف= وبكتبها قصيده قبل تطفي النار في ذاتي
رسمتك شامه بخد الشعر ثم جيتها ملهوف= ببين لك غلاك وحرت في ترتيب ابياتي
دموع الحزن بعيوني تنادي طالبتك تروف= ترجى منك تمسحها بأيدك تجمع شتاتي
تعال وضمني لصدرك ابدفى منك ياذا النوف= تجمد بالشتاء بعضي وبعضي صاغ اهاتي
وما يشفي سوى اني احط الراس فوق كتوف= واضمك للصدر حتى تفيض انفاس سلواتي
وياطول المسافه صحت تعالي فكي المكتوف= سجين ولا قدرت اصرخ جدايه بس وناتي
تعالي وانفضي غبار الوهم من جوف هذا الجوف= تزيلي هموم في صدري مع تزيين صفحاتي
وبدون للغلا اسمك بقاموسي واحط اريوف=واعلن للملا والكون نهاية نوح ماساتي
هلابك يابعد حيي وضي العين وانت الشوف= بدايات القدر صدفه تغير وصف غاياتي
بديت العشق في دمعه تعاند ثقلها بكفوف= ولقيته في ثرى ارضك بدايات لحكاياتي
نهاية حزني بعرفك يطيب العرف بالمعروف= ياجمل من كتب له نص ببوح الشعر كلماتي
لقيت ان العمر ضايع بلاشوفك وانا المكفوف= تحسفت بندم مابغى تضيع اوقات باوقاتي