على نزف الجروح اللي تغذت في دواخلنا=على صدك ونكرانك وقولك شي ماينقال
على دمع ٍ ذرفته حيل يوم اللي تفارقنا=على همي وليل ٍ مر تجرعته (مـِلي) الفنجال
على اوراقي وبقلام ٍ نست صيغة محبتنا=ابنظم كرهـي وحقدي وفال الله ولالك فال
لانك خنت كل اللي على رتمه تعاهدنا=نكرت الشهد والعلقم نكرت الحل والترحال
نسيت انك (إذا ناسي) حلفت تصون خوتنا=ولا تبعد ولاتعطي وعن صبرك تقول أمثال
حرثتي كل غرس ٍ كان يترعرع بدوحتنا=زرعتي ظلـمك الكافر وبانت نزغة الدجال
بكيت الدمع قبل الدم تسببتي بنكستنا=ولا يمك ولا همك ولا نطرى ولا لك بال
ولوكنتي دفا قلبي وصوتك حيل ياسرنا=وعينك يانظر عيني تهد اللي يهد جبال
ولو صدك ونكرانك ألم يكسر خواطرنا=خواطرنا نكسرها وذكرك بدعسه بنعال
قسم باللي خلق زينك معا شينك وخالقنا=قسم باللي جبر كسري رجيته الكريم العال
لاحطم كل حلم ٍ حلو وذا انتي وذا حنا=وابحرق كل اوراقك وابكسر عودك الميال
وابصنع كرهي وحقدي وابفضح كل سيرتنا=وابظهر ماخفى للناس بشوف الدمع بك شلال
ابيك تقول انا اسف وتكفى بس سامحنا=تقول ارجوك ماعيده حبيبي يانطيح رجال
وذا كله بحلمي بس مخاصمنا ومعزتنا=واذا جا الجد يا عمري نسولف نكسر الفنجال
احذر بس كان انتي نويتي شق قربتنا=انا لك بس وانتي لي ولو تمطر سماء العذال