يهزك الشوق وتجيني من اقصاك=وانا ليا اشتقت يرويني مجمك
اشعل شموع الغرام ومد يمناك=وعلي بدع القوافي لايهمك
افهق جديلك ليا غطا محياك= وسولف على عاشقٍ قلبه يضمك
اسامرك واتعجب في مزاياك=واقول ياكبر حظ ابوك وامك
سبحان من كملك بزين واعطاك=في هيبتك خالقك يازين تمك
اهمس دلع جعل كل الخود تفداك=ياللي جمال العذارى تحت كمك
اسمي يازينه ليا جا من شفاياك=ودي ماينطق حروفه غيرفمك
انا تراني ضحيه من ضحياك=لو اني ادري..على بالك واهمك
وقتي ظلام عتيم بدون لقياك=وشوفك شروقٍ يسوق القلب يمك
احبك اموت فيك اعشقك واهواك=حتى لو الوصل سم احب سمك
ولن غبت يازين وسط القلب ذكراك=تجري بدمي مثل حبي بدمك
تبغى الكلام الاكيد انا اتحداك= تشوف قلبٍ مثل قلبي يضمك

المشاركة الأصلية كتبت بواسطة العف الخجول (المشاركة 255619) صح لسانك اخوي وونتظر المزيد من ابداعك يسلمووووووو

المشاركة الأصلية كتبت بواسطة قديم الشوق (المشاركة 255792) شاعرنا / مشاهد العتيبي صح لسانك ودام توهجك وأنت بحق مكسب لنا ولمنابع قصيدة مميزة وعذبة من شاعر جميل ومتمكن الله يعطيك الف عافية وفي انتظار المزيد من هذا الجمال وتقبل فائق تقديري واحترامي

المشاركة الأصلية كتبت بواسطة وجه القمر (المشاركة 255797) تبـغـى الـكـلام الاكـيـد انــا اتـحـداك تـشـوف قـلـبٍ مـثـل قلـبـي يضـمـك القصيدة قوية جدا ورائعة المعاني والصور مشكوور

المشاركة الأصلية كتبت بواسطة الكايد (المشاركة 255859) اخوي مشاهد العتيبي قصيده كل بيت اجمل من الثاني تقبل مروري