.=.
هو صحيح القلب في حبّك أسير=وكل هالدنيا بدونك ما تهم
بس ياللّي أتّضح لي شي غير=يوم لك قلبين في نفس الجسم
اتحّبني واتحب غيري ما يصير=راعي البالين عمره ما سلم
اتعلّق القلبين في نفس المصير=بس قلبي دوم منّك منحرم
فالمحبّه واجب إنك تستخير=جيت غيري رايك وله أحترم
صدق لك قلبين بس واحد ضرير=والمصيبه إنه بحبّي حلم
واكتشفت إنّه بقلبي يستجير=تاه في دربه وفي صدرك قحم
والاّ انا وش لي بشخص بلا ضمير=إنعدم فيه الوفا قلبه ظلم
حب له شخصين وعباله خبير=ماتحمّل جسر قلبه وإنهدم
كان له تقدير في قلبي كبير=شامخ ويوصل الى أعلى القمم
لين صار ألحين موجود وصغير= مو على شانه على ذكرى الألم
والاّ هو نجم ٍ بعيني ما ينير=إنطفى نوره ومصباحه عتم
.=.