الغاده لي كل طاري تمره = اللي حلاهافاق تلعات الارقاب
غيداء يكفكفهاالجمال وتثره = تقول لابسته مثل لبس الاسلاب
مبسم وخصروجيدفارع وغره= واهداب يالبيه ياذيك الاهداب
وعودِ ليامن مال لله دره = تميل معه قلوب وعيون واللباب
صارت على قلوب الغناديرحره= لاوالله الاحرة قلوب الاشناب
تقبل على عيني واشوف المسره= وتقفي واقول ان الهوى صدق غلاب
حاولت ابنساها ثمانين مره= وانا ليا انكرت الغلاصرة كذاب
بيت الغلا فيني وقلبي مقره= متمخطره وسطه من الباب للباب
لهاعلى شهب المعاليق جره= تظمهاشوق وتباشير وعجاب
تحطني بين الزعل والمبره = وتشيلني كتلة مشاريه وعتاب
واناعلى كثرالغياب اتشره = وهي تعذر عن لقانا باالاقراب
والمشكله قلبي بيدها تجره= تقوده بحبلِ مثل حبل الاسباب
تحدني على الشقى والمظره = واطلب رضاهاكن مانيب طلاب
شربة كاس الصبر حلوه ومره = وغنيت لي طاروق في راس مرقاب
مرقاب وِ كل عاشق يمره = جددت به قصة غلا نوت وعقاب