الأمل بالله/شعر باللهجة الفلسطنية
********



لمّا ابو احمد صحي


من قهرو بعد النكسة


كانت ثلاث ايام


قضّاها في وكسة


قال الحلم ملعون


وعدوّنا يخسى
*


قلنا يابا احمد ضعنا
اوقعنا بايد لعين


مكرو يعبّي بلاد


وحقدو علينا شين


قال العوض بالله


ضاع الأمل هلحين؟؟!!!


قال الأمل بالله


والصبر منّا زين
*



روحوا شباب اتقصّوا


بلكي تلاقوا سلاح


يمكن بحفرة جندي


استشهد بعد لجراح


وترصّدوا المحتل


جندي ببرجو لاح


طخّوه فشكة براسو


وما ينسمعلو نواح


ضلّوا عطول وراه


لا تتركوه يرتاح
*


كانت وصيّة ابا احمد


نقطة عبور جديد


م القهر تحت هزيمة


للعزة بالبواريد


وضلّت وصيّة ابا احمد


لليوم في تجديد


جيل(ن) يوصّي جيل


عن حقنا ما نحيد


حتى يلوح الفجر


وييجي لعنّا العيد


**