منتديات منابع الأدبية

ياعبرتاً صارت بقلبي دفينه
حبيستن بالقلب ما بين الاضلاع
تركي على روحي وروحي رهينة
رهينتن للهم والبال ملتاع
ملتاع من ذكرى الليال الحزينة
شاري به الهاجوس نوبن وبياع
بياع عملته الكدر والشحينة
يسعده شوف الفكر من مهجتي ضاع
ضاع وتركني بين طعن وطعينة
كني وحيدن حاير ما له اتباع
شكواي سرن ماظهرت مستبينه
والناس تفرح وانا للضيم جراع
اشرب ذحاح السم وارضى الغبينة
وامشي على درب الهلك واسرع اسراع
والحظ عاثر مثل ذيك السفينه
اللي هواها دوم يعكس بها شراع
والليل ما اهيده ولا استكينه
اسهر طوال الليل والناس هجاع
لا نيب هوامن حبيبه يهينه
ولا لي بسوق الحب مدن ولا صاع
ولا هوب همي بالكنوز الثمينة
ماني على جمع المثامين طماع
ولانيب بلاسن وهمه ضغينة
وسط الملا فراق ماهوب جماع
انا اللذي اسباب ضيقة كنينه
ضعفن بهاالامة حدر بها القاع
انا اللذي همه علشان دينه
صعبه اشوف الفسق في الناس ينشاع
الغرب وردنا الامور المشينة
وشبابنا ياللاسف دوم منصاع
كرامة الانسان صارت هوينة
من عقب ماهو متبع صار تباع
يتبع سرابن ما قدر يستبينه
لاهوب لا جمن ولا منه مسباع
هلاك بين وصمته في جبينه
لا ترتجي خيرن يجي منه منفاع
صلو على من هجرته للمدينة
منها انتشر دينه الى كل الاصقاع
ابعدَ مشراقن لصبحه يزينه
واعداد ماليله يغطيه بقناع

عبدالله المهنا النعيمي