السلام عليكم ورحمة الله وبركاته

صباح الخير ياوجيه الخير

قصيده من نزف قلمي للتواصل بعدم طول غياب

واتمنى ان تنال اعجابكم

ياهوا بالي ياشوقي يابعد عمر الغرام*=ياغرور الحب يانجم الحسن راع اللثامي.
للبشر فتنه وتغري كيف لو شلت اللثام*=الحسن محتار فسمك ياحلا كل الاسامي.
قايدٍ للزين كله قايده وانت الامام*=كل زينٍ يتبعك سبحان من حطك أمامي.
نار جوفي من عرفتك صايره برد وسلام*=اكتسب حبك ياروحي اكتسب كل إحترامي.
كيف ماحبك وانا اللي من عرفتك في هيام*=خذت عقلي خذت قلبي تابعك مثل الغلامي.
حبك بقلبي طفل مايطلب الطفل الفطام*=صاحيٍ مده طويله ماتوارا بالمنامي.
نفسي المفطر بحبك عايشه حالة صيام*=عن هوا غيرك ولاحدٍ يملك بنفسي زمامي.
نادرٍ مالك شبيه ولاذكر مثلك بشام*=يشبهك واحد ماغيره بالسما نور ظلامي.
راسمك ربي ورسمك يعجز حروف الكلام*=وصف زينك مايوفا بالحكي لو حكي عامي.
مستجد الحب في قلبي ومنك انت العلام*=قلبي الدفتر وعرقي يكتب بدمي كلامي.
المحبه صدر والفرقا نبل ترمي سهام*=ضربها فج النحور وصعب تردعها العظامي.
لاتفكر تبتعد فرقاك سبه للعدام*=لاتحمل اثم قلبي لاتوديه العدامي.
خلني في قربك احيا ودي ابحظنك انام*=كفك إيداعب شعر راسي وانا اهديك الغرامي.
مستحيل احيا بدونك يوم من دونك حرام*=كيف يحيى دون سقيا كائنٍ به جوف ضامي.
طالبك يالله ياللي محييٍ رُم العظام*=تبعد الفرقا عن اللي طاهرٍ حبه وسامي.