بروقٍ تكاشف نوضها قبلي الرما=في عارض صيب ثعوله ترزما
رعادها كنه بيادر حريبتن= ولا كجرفن فيه جلمود يردما
تزود على نفس النعيمي غلايله= من سو مابه شاوبت دمعته دما
شفا خاطري دارة عن الريع ناشزٍ= غيد الربارب حل فيها ومنعما
بها الاروع النباض ما ذيره ذاير=تفيا البريرة وا ستكن ما تبرما
تخال الخزامى زاهين وسط روضها= و القحويان ازهر فالدععص وشما
رعتها جمالية فسوقٍ ومرقلٍ=عوجاء عواليها بها الشحم قد زما
شعثا لهاميمٍ وسيعة مناكبٍ= هدلا مشافرٍ بها القلب مغرما
مشحونة الا قبال وادبارها مذعور= كنها نفور الهيق لا جد واحتما
وانا كلما يهجع غيري من الورى= تسعر هجوسي بالخلايد وتضرما
ومما غدا بالروح تخلف روابعي= واولت على السرجوف تضرب وتقسما
وبي حرة بالجوف فايح لها الحشى= كما فوح مرجلن به الجمر علما
تبديت في رجم طويلن ومنتحي = على عالي المشراف في راس احزما
اجاذب هجوس القلب وابدي كناينه= والاعب الطاروق والقاف انظما
جزيله توخيته واجنب هزايله= والا زقرت القاف اذعن و سلما
عسفت انا القيفان كما عسف سابحن=عتيقٍ هريتٍ ضامر البطن ادهما
واسرجت لي نقمار كميتن محجلن=تقل نجمة الشعرى بغرته ترسما
فلا عاقني عنانه وان صحت له مقدام= الا اختفت الحمله والملح كتما
ارى الوقت دولابن سريع تقلبه = ولا تومن اقداره ولو هو تبسما
وعمر الفتى لوطال وامتد واستمر= مصيره الى لحدن وحيشٍ ومظلما
ومن لا يداهل في امورن عديدةٍ= يعافه كثير الخلق ويصبح مذمما
ومن والدينه ما يراعي حقوقهم= ذريته جابت له المر والعمى
ومن لا رعى حكم الامانه وحقها=زاده توال العمر حنظل وعلقما
ومخاوي الرديان يطبع بطبعهم= لوهو حسيبٍ البيت والاصل مكرما
واخال الكريم اللي يبذل نفايسه= ما يمتنع لو الليالي تجهما
طوتني الايام كما طي دفترن=وجرعت من دهري كما سم ارقما
عسيرن على قلبي بعادي عن الوطن= لكنها الايام تسطي وتحكما
صلاتي على المبعوث محمد رسول الله= وسلامي على من للنبيين خاتما
عدد زايرين البيت ساعي وطايفن = واعداد ما وردوا على بير زمزما