صابرواتعب ولا كني بصابر=كن سكينن وسط جوفي يجوب
كني الفرقا على وجه المسافر=كني الي واقف بمفرق دروب
تهت بين الامس وفي يومي وباكر=كل ما فيها يبشر بالهروب
مادرت لقلام عن بوح المحابر=ومادرا المرتاح عن طعن القلوب
والنسيم الي نكث سود الظفاير=مادرا انه تسعد بلحضة هبوب
كل ما بي يشتكي حتى المحاجر=حتى شعري فيه شي من النضوب.
وسط ناس وكني في وسط المقابر=ماهنالي عيش والعمر محسوب
رجع البسمه رجيتك لا تهاجر=قلبي الي تملكه من كل صوب
لا تسافر عن حياتي لا تسافر=لا تسافر وتترك القلب معطوب
فدوتك عمري وتفداك النواظر=يالي ما بك غير هالفرقا عيوب
قلت أصبر وقلتلك يا شوق صابر=وكن سكاكينك وسط جوفي تجوب