كنا سوا نتقاسم المر والحال
واليوم لك حالي ولي المر مقسوم
قلبن يشوفك لو غدا الشوف منحال
وعهدن يشيلك لا غدا الحظ معدوم
لا ملت كل الكون مع ميلتك مال
ون حدت عن درب الموازين مهضوم
كنا بياض قلوب نمشي على الفال
وكان الهنا يسير خطى ساقنا دوم
وكنا نقلص حشوة القيل والقال
وكان الخطأ مشروع مع نكهة اللوم
واليوم ما عادت منازلنا عال
حالن كسيف وحالنا صار مشؤوم
ولاعدت تنشدني عن الدمع لا سال
ولا عدت تحويني ليا صرت مظلوم
ولا عدت تطريني ولا عدت ع البال
ولا عاد لي في داخلك شي معلوم
كنا سوا نتقاسم المر والحال
واليوم أنا ماعدت بالنص ملزوم
