http://www.up-00.com/h1files/bvz98281.jpg

مدري

...........................................

مدري ..
والله مدري !
كيف تأسرني الرياض ؟
كيف ترميني في رملها .. ؟
وأنا ماقوى الاعتراض ..

وهذا قلبي .. ما بغاها
وإن طلع منها بكاها !!
حير ايامي معاها
مدري هو قلبي يبيها
وإلا تدري .. شكله والله ما بغاها

مدري وش صار بحياتي
مدري .. أدري وإلا ماودي أدري وإلا مدري !
راح خلي وإلا بيرجع غلاتي ؟
وإلا هو مايدري أصلن .. عن حياتي وعن مماتي
مدري والله !

مدري والله !
هو يتغلى ؟ .. وإلا تخلى ؟
وإلا أصلن ما تعلق ؟
إلا إلا .. إلا إلا
شفت بعيونه غرام ..
احسه حتى في السلام
ونبرت الصوت الحزينة
لا طلع منها كلام
بس مدري ! ..
هو وهم وإلا هيام ؟
والله مدري ..

أنا أدري بشي واحد ..
انه غاب .. واختفى صوته وذاب
وخاب ظني فيه خاب
والرياض .. عذبت قلبي وشاب
وأنا ماقوى الاعتراض ..

موحشه والله الرياض
ظلمه ما فيها بياض
وهذا قلبي .. ما بغاها
وإن طلع منها بكاها !!
حير ايامي معاها
مدري هو قلبي يبيها
وإلا تدري .. شكله والله ما بغاها

شكله والله ما بغاها ...



...........................................

محروم