لبيه لبا .. لبا لبيه .. لبا=لبيه إليامن قال لبيه .. لبيه
أنشهدنه دائي وإدواه طبا=لبيه أليامن قالها أتوه وأتيه
هذاك حبه وسط قلبي مخبا=محدٍ قدر ياصل لحبه وياتيه
لنّه على سلم المعزه مربا=ومحدٍ قدر يلحق بحبه مشاريه
صبيت حبه داخل القلب صبّا=ماغير أداري كل حبّه وأداريه
عليه خوفي من صلوف المهبا=أحول بينه والهوى لا يأذيه
غيره بقلبي جاعل ٍ له مطبا=هو الوحيد اللي بقلبي أماشيه
غصبا وغصبا يالعواذل وغصبا=ماغيره اللي ماخذ العقل وأبيه
حتى الحكي لا صار منّه مسبا=ما كنّه الا قايلٍ لي ((يالبيه))

المشاركة الأصلية كتبت بواسطة خالد بن علي أستاذي ومعلمي جارالله الشدي كم سعدت بحضوري هنا في نص قلم يفوح منه الجمال كم انت راقي وجميل في طرحك

المشاركة الأصلية كتبت بواسطة محمد الفرحان . . لبيه لبيه ولبى ماتعلق في محاني ضلوعك . . سأعوووووووووووووود

المشاركة الأصلية كتبت بواسطة فهد الدباسي جارالله الشدي حضورٌ جميلٌ كـ عادتك و أسلوبٌ فريد سـ أعود لك يا راقي