اهديت لي يا سيدي باب في باب = باب الأمل باب السعاده يخيله
ارقب حضور الشعر والقلب ماتاب = حبك وصل حده وهذا حصيله
لو كان قلبي من حديد أعتقد ذاب = شوقك جذب قلبي وعدل سبيله
أول بداية حبنا كان الاعجاب = اقرا قصيدك واحفظه واستخيله
اجلس مع العالم وكني ابدولاب = فكري معك يسرح وينسى قبيله
لا تذكرين اصل العنا للعنا حاب = لولا العنا فالحب ما حدٍ يجي له
الليل مهما طال يقصر للأحباب = ليل المحبه ما ندور بديله
قلبي دليلي ما حصل يوم وارتاب = ما تدخل الريبه وربي وكيله
مهما حصل مهما تكبدت الاسباب = حافظ ودادك والزمان ارتكي له