سلام يالشجعان ياهل المهابه = يا منقذين الدار و بكل توفيق
سلام مني عد وبل السحابه = و عداد ما نكتب قصيد و طواريق
هيه انت يارهابي يا وجه الكآبه = لا تحسب ان الدار هذي صناديق
ولا تحسب انك عايش ٍ وسط غابه = ابك انت جيت و ناوي الشر لـ ( بقيق )
دار ٍ سكن فيها اسود و ذيابه = ما يرحمون اللي نواياه تفريق
شفنا جعلنا الشر يشكي عذابه = يصبح على هم ٍ و يمسي على ضيق
لامن تجمعنا و عصبنا العصابه = محدن يوقفنا ولا جيش الاغريق
و اللي يقول انه و أنه ؟ (( عقابه )) = نصيد راسه مثل صيد الغرانيق
رح للذي خلا حياتك سرابه = اللي خبص راسك و لفقه تلفيق
قل له كلامي دون ذوق ذرابه = ( يا هيه يالاهبل .. ترى هذي بقيق )