|
بتبقى للغدر تمثال
بسم الله الرحمن الرحيم السلام عليكم ورحمة الله وبركاته ,, اما بـعـد يسعدلي اجوائكم جميعا واتقدم لك بهالقصيده وهي اول مشاركه واتمنى ان تنال على اعجابكم (تمثال الغدر)
هلا باللي تجيبه لي تعـوس الحـظ والبشـرى=هلا بك انت وطعونك هلا بك من كرم رجـال تعودنا نقول ارحب ويحلـى لضيفنـا سمـرى=على ضو السمر ندفا وكلـن يقـرع الفنجـال هلا بك يوم جيتينـي وحـان الوقـت للنحـرا=ابنحر في قدومك خافقن يشكي عـذاب الحـال هلا بالجرح لا اقبلتي هلابه لا نـوى المسـرا=هلا به بكل وقت وحين هلا بكل حـال وحـال ربيت اشتاق لجروحك بشوق الحـب للعـذرا=وصرت المذنب الابرا بحكم الوقت والاهـوال كبرت وجرحك الاول نزيفن جـاري الذكـرى=ياكيف انسى سواتك بي وسنين انقضت غربال ياكيف انسى ولن انسى عراك الهـم والصبـرا=ويومك ترخص الشاري على سومة زهيد المال كـذا ربـوك يابنيـه تـذريـن الجـفـا ذرا=تمدين الشبر خطـوه تجريـن المتـر اميـال وانا خابر رداة الحظ ولانـي ناكـر العسـرا=وعارف نيه الدنيـا بحـال العاشـق الخيـال وراضي بمصدفات الوقت واعلـم انهـا قـدرا=وكلن من خياش الهم كمل صاعه وغصب اكتال خذينا قسمنا منـك وتبقـى بالصـدر ذكـرى=ومهمـا دارت الدنيـا بتبقـى للغـدر تمثـال وصرنا لغيرنا مشهد يصـور بالعضـه عبـرا=يوصي صافي النيه يواكـب مركـب المحتـال وسلامتكم تقبلو تحياتي اخوكم ابو صقر الشمري |
ابو صقر الشمري
صح لسانك قصيده رائعه ولاهنت وتسلم يمناك تقبل مروري المتواضع |
صح السانك اخوي ابوصقر
قصيده جميل ولاهنت تقبل تحياتي ومروري ونتتظر جديدك |
أبو صقر الشمري
صح لسانك وأنا أخوك قصيدة جزلة من شاعر جزل ولكن بودي أن أعرف هل هي من نظمك أم من نقلك ؟ أشكرك من الأعماق وتقبل فااائق تقديري واحترامي |
عسافه
صح بدنك والف شكر عالمرور ولاهنتي يالغاليه وماننحرم صالح البحيح لاهنت وصح بدنك واشكرك عالمرور وبيض الله وجهك قديم الشوق لاهنت واشكرك عالمرور وبيض الله وجهك ولاهنت والقصيده كتبتها بتاريخ 2008 \ 7 \ 14 اشكركم جميعا ولاهنتو اخوكم ابو صقر الشمري |
:
ابو صقر الشمري صح لسااااااااااانك ملاين من جد استمتعت بقرأتها يعطيك العافيــه ..ولاتحرمنا ابداعك } |
صح لسانك ابو صقر
وسلمت يمينك على هذة الابيات رااائعة وجميلة جدا دمت شاعرنا تقبل فايق احترامي وتقديري |
صح لسآآنك مليون لايسدون
تسلم على هالجزلهـ ننتظر جديدك بشوووق |
ربيت اشتاق لجروحك بشـوق الحـب للعـذرا وصرت المذنب الابرا بحكم الوقـت والاهـوال كبرت وجرحك الاول نزيفـن جـاري الذكـرى ياكيف انسى سواتك بي وسنين انقضت غربال ياكيف انسى ولن انسى عراك الهـم والصبـرا ويومك ترخص الشاري على سومة زهيد المال صح لسانك ودام ألقك دام هذا الجمال بنبض قلمك ودام مداد احساسك |
لون الثلج
حياك الله وصح بدنك ومنوره يالغلا لاتحرمينا طلتك ومرورك مستقبلا شجن مرحبا بك ومنوره وصح بدنك وحياك الله لاتحرمينا مرورك وتواجدك مستقبلا استثنائيه ارحبي وياهلابك ومنوره وحياك الله ولاتحرميننا مرورك مستقبلا العيون الحزينه شاكر لك هالمرور المنعش وحياك الله ومنوره ولاتحرميننا تواجدك ومرورك مستقبلا __ __ لاهنتوو جميعا وحياكم الله كلكم على رآسي من فوق ولاخلا ولاعدم __ __ اخوكم ومحبكم \ ابوصقر الشمري |
| الساعة الآن 04:38 PM |
Powered by vBulletin® Copyright ©2000 - 2026
