|
مصافحتي الأولى مشتاااااااااااااااااااااااااااااااااااااااااااااق
وبدون مقدمات فقط علها تنال منكم الأهتمام والأعجاب
مشـــــــتاق والله ياعنى القلب مشتاق = اوربي انــي عدي اغلي من الشوق يا الله تــــــــقلع حب من بعده فراق = كم ساقني شوقي على بيتكم سوق وكــــــــــم مرةٍ مريت والقلب مافاق = في عبرتي من كثر الاشواق مخنوق اجي بدون اشعــــور للبيت منساق = لو صار مـــــــهما صار لا يمكن اتوق مرٍ على رجـــــــــــلي ومرات سواق = ومرٍ اخـــــــــلي واحدٍ غيري يسوق ومع كل هذا صرت مكشوف الاوراق = وعرْفـــوني الجيران مخلوق مخلوق احــــــــــــدٍ يقول انته سروقٍ وبواق = واحــــدٍ يقول انته من الناس مطفوق وانا مــــــــواصل رغم هذا والارهاق = واليا انشدوني قلت ابي بيت مرزوق واحيان اقول ابغى البقاله والاسواق = واحيان اقول اني من الناس مسروق وعذري قضى والحين بالله وش باق = من سبـــــــــــتك خليتي الدم محروق ابي ولو لمــــــــحه تطفي هالاشواق = والا لقـــــــــــى ياعل عدوانك العوق يا ام الــــــــعيون الي لها القلب تواق = من ذكــــــــرياتك قلبي العام مفلوق الياذكـــــــــرتك جيت لو دربكم شاق = اجـــــيك لو اني من الوقت مزنوق حبك لعب بالقـــــــــلب معلاق معلاق = ولاعــــــــاد باقي داخل القلب معلوق وحبٍ مافيه اوصال والله ماينـــــطاق = يشـــــــهد على ماقول حالي وماذوق وان طول الــــــفرقا ولازلت مشتاق = تراني اول واحـــــــــــــدٍ يذبحه شوق |
صح لسانك وجاد نظمك لاهنت ولاهان راسك تحياااتي |
لله دررك على هذه الرائعه
قصيده جميله وأكثر صح لسانك ولا هنت يالغالي كل الود |
مسعد الحويمضي
صح لسانك لاهنت دمت بخير |
مسعد الحويمضي (( :
ومع كل هذا صرت مكشوف الاوراق وعرْفوني الجيران مخلوق مخلـوق احدٍ يقـول انتـه سـروقٍ وبـواق واحدٍ يقول انته من الناس مطفـوق وانا مواصل رغم هـذا والارهـاق واليا انشدوني قلت ابي بيت مرزوق صباح الشعر والأشواق صح قلبك على هذه الدره ننتظر القادم اكيد اخوك |
. . الشاعر الرائع مسعد الحويمضي . . اهلا وسهلا بك في منابع الشعر والأدب وكلنا سعاده بتواجد هذا الاسم بيننا وعسى ان تجد لدينا مايكون دافعا" لك لتقديم الجديد والمميز وكل ماهو معهود منك ويكون سببا" في طيب وطول اقامتك بيننا . وياهلا بك ومرحبا بين اهلك واخوانك ومكانك العيون والقلوب قبل المنتدى . . . . حضور للترحيب وسيكون لي عوده الى هذه الرائعه ان شاء الله . . . . . تقبل فائق تقديري واحترامي |
سلمت وسلم نبضك على هالنص الراقي سجل اعجابي ومتابعتي ولك تحياتي |
أهـــلا ً بك في منابع الحب
حضور جميل سلم نبضك وحرفك دمت بود |
اخوي
حماد هلا يالغلا كم انا مسرورا بمرورك وباقة ورد |
مسعد الحويمضي حضورك شرف لنا سـ أعود بعد قراءة هذا النص الجميل فـ انتظرني |
| الساعة الآن 03:42 AM |
Powered by vBulletin® Copyright ©2000 - 2026
