ضكّني وقت .. المسافة .. ولا قويت ارسل حلول=وطالني هم.. حدانـي .. دك صـدري كرعنـه
ضاقت الدنيا رحابـة والسمـاء طاحـت ذبـول=فوق رأس اللي زمانـه وجـور حظـه فرعنـه
آآآه يا شفّي وصالـك شـفّ عسّـاف الخيـول=فـي مياديـن المـوّده مـرّ وقتـه جرعـنـه
انثلم سرج السبـوق المهـرة أنسـال الفحـول=طايلة رأس الطويلـة فـي خطـاوي البرعنـه
وصار مثل اللي .. يروح يرد .. نطار الرسـول=لا خبر جـاه بسـلام ولا أمـل عـن خرعنـه
حسبي الله يا مواتـر "جرمنـي" كـادت تحـول=في حياة اللي جبينـه سيـف ظلمـا الصرعنـه
بنت شيـخ حلحـل الصعبـات هـذّاب العقـول=ترتكي له كبار قوم ومعهـم أنسـاء و ورعنـه
مـا مشـت درب الزريـة والرديـة والخمـول=راكدة ماخضخـض المـاء ظفرهـا والذرعنـه
وآآآه يا وقـت حدانـي عنّهـا وصـال وصـول=مالنا حيله علـى صـروف الزمـن والشرعنـه
ولعنبو حـظ حدانـي خـط سيـرك يالعسـول=ولعنبو خطوة توانـا مـا تجـي لـك سرعنـه

المشاركة الأصلية كتبت بواسطة فهد الدباسي فوزي الخالدي شرفتنا يا فوزي حضورك يسعدنا و يشرفنا حضوري هذا لـ الترحيب و لـ النص عودةٌ مستقلةٌ تليقُ به

المشاركة الأصلية كتبت بواسطة محمد الفرحان . . الشاعر الرائع و الإنسان الخلوق فوزي الخالدي . . اهلا وسهلا بك في منابع الشعر والأدب وكلنا سعاده بتواجد هذا الاسم بيننا وعسى ان تجد لدينا مايكون دافعا" لك لتقديم الجديد والمميز وكل ماهو معهود منك ويكون سببا" في طيب وطول اقامتك بيننا . والشكر كل الشكر على تشريفي بقبول دعوتي وياهلا بك ومرحبا بين اهلك واخوانك ومكانك العيون والقلوب قبل المنتدى . . . . حضور للترحيب وسيكون لي عوده ان شاء الله . . تقبل فائق تقديري واحترامي