العمر طالت غربته لين ماخفت=على الشعور اللي بقلبي بقالي
عدت ثلاثيني على السبع واشرفت=على الثمان وحالة الضيق حالي
حزين كن بحالتي للزمن ضفت=حزنٍ جديدٍ ما اعرفته الليالي
ياصاحبي يكفي خطأ منك لاأخلفت=وعد الهوى واحرمت شوفك وصالي
يكفيك في قلبي كبرت وتشرفت=ولقيت نفسك شامخٍ في خيالي
ويكفيك بس اللي لحالك تعرفت=على ظروفٍ ما اشغلت عنك بالي
ويكفي على بالي من الوجد لاطفت=سجيت معك وصرت ماني لحالي
ويكفي عطيتك صادق الحب واسرفت=حتى شعرت إني من الحب خالي
لاشك رغم اللي حصل ماتحسفت=على عطاي وكلمتي راس مالي
غالي ويفداك التعب لو تكلفت=ويفداك دمعٍ حار حيرة سؤالي
لاتلومني ياحادي الشوق لا انكفت=قلب الجنوبي صار شوقه شمالي