" صقور آسيا .. في موجز "

الله معك يا المنتخب = حققت أحلام العرب
بقلوبنا حنا معك = عوّدتنا لون الذهب
موجز عن الدورة بعد = عن منتخبنا اللي صمد
ببداية اللعبة صقر = ونهاية اللعبة أسد
هذا معاذ اللي يمر = طاح وتعرقل بالمكر
وبدون خوف وفلسفة = صارت على الحارس سحر
عدّينا شمشون البطل = جانا فريق ن مو سهل
سبعين الف يشجعوا = لكن كسبنا بالعقل
ياسر براسه حطها = منه اللي يقدر صدها
ذكّرني لعبات السهم = لمسات ماجد عادها
والصقر حلاّل العقد = أسمه على الدكة سعد
أقبل بدعوة خالقه = وأنهاها ما رده أحد
وآخر نقاط التصفية = لعب ومهارة وتضحية
كسبنا الأحمر أربعة = يا ليتها متساوية
عدينا أول مرحلة = ما شفنا أيت مشكلة
ما دمنا نلعب للوطن = الكاس نقدر نوصله
لعبنا ضد الأوزبكي = صار الدفاع ابيشتكي
تيسير فرّق شملهم = بو موسى زوّدهم بكي
ولكن الأدهى وأمر = صارت مشاكل بالسفر
أوقاتنا هي كلها = كانت مشاوير وسهر
وبعد إرهاق وتعب = واجهنا حامل اللقب
عطّلنا شعب التقنية = والله بطل يا المنتخب
وآخر مباراة الأمم = رفعنا رايات وعلم
خسرنا بآخر مرحلة = لكن وصلنا للقمم