مصافحه للعقول والقلوب والذائقه لعلها تكون كذلك

اقبلوها كما هي .............



حـــــــق الــخــــــــــــــــــوي ........

عمر السفن ماتشتكي موج الابحـار=وكـل شّيـن لـه بدايـه ونهايـه
والدله اللي ترتكي بـطـرف النـار=تهـدي فناجيـل الكـرم للهدايـه
كانت نوايا خيـر بعيـون الاذكـار=والحين فتنـه وإحتمـال وغوايـه
اسرجت لك في خاطري حلم وافكار=وهذي عيوني تعتنـي بـك عنايـه
ماجيتك الا والخبر مفـرح وسـار=ولارحت عنـك إلا معـاك المرايـه
فيها تشوف الرمز والمبهم أنـوار=وتقدر تعرف لكـل معنـى كنايـه
التجربه درس ومفاهيـم واعـذار=دام الوسيله عذرهـا كـان غايـه
ماشوف انا داعي على شان تحتـار=وتعيش ماضمة فصـول الروايـه
وتكتب وتقـرأ ماكتبتـه وتختـار=من اللي كتبته في مسـار القرايـه
وتسافر مادامك تحتمل ظلم الاسفار=بضنون درب اللي جهـل بالحكايـه
مادامي اللـي ماتعديـت الاسـوار=هذا مـداي بداخلـي وش خطايـه
نثرت لك لون الزمّرد علـى الطـار=هذا مـداي بداخلـي وش خطايـه
وصّخرت لك معنى وصوره وتذكار=وصافحت صبح المجد لعيون آيـه
هذا وانا مستعجـل وتوّنـي مـار=ماخذت من وقتـي معاهـا كفايـه
وشلون لو اعيشها سبـر واغـوار=كان احتمال الوقت يطلـب رضايـه
تحفظبها حقوق ورجاجيل واقـدار=وفيها عن الشـر المقّـدر وقايـه
دام النوايا بيض واخوانـي طهـار=ابعد من ظهـور الكواكـب مدايـه
حق الخوي والضيف محفوظ والجار=أبـدن. ولانحتـاج فيهـا وصايـه

شكرا لجميع من شرف المتصفح بمروره

من القلب لجميع الاعضاء

والاداره

الذي امطرونا بالاطراء

الذي لانستحقه

اتمنى ان اكون امتعت ذائقة من مر

على اي مشاركه لي

تقبلوا احترامي وشكري

وتقديري

اخووكم