فرحة العيد تكمل لو حبيبي قريب = مير الاقدار خبنه وسط كمها
مومنٍ . كل حيٍ له نصيب يصيب = مير نفسي فراق احبابها سمها
آتسلى بجزلات القصيد الغريب = من قصايد فحول الشعر وآصمها
بعض الاحيان يحتاج الطبيب لطبيب = يفتح اجروح قلبه ثمن ايضمها
تالي الوقت يضهد كل رجلٍ عريب = ما تشوف الكرامة سايح دمها
كل ما لدت عيوني تشوف العجيب = سلم الايام هذا ما اختلف سلمها
لو تفكر طفل فالوقت راسه يشيب = والليالي ترى محدٍ سلم همها
مرةٍ ترفعك والثانية فالقليب = احْد يمدح بها والثاني ايذمها
مير ربي على كل الخلايق رقيب = عارفٍ عن خوافيها وعن علمها
نسأله يلطف ابنا يوم صبحٍ صعيب = تحشر الناس كل الناس في غمها
والبنادم بها الدنيا شقيٍ غريب = بين خلقه وموته مدته كمها ؟
وما يخلد سوى اللي له فعولٍ تطيب = كالرياحين ذِكره لا طرى انشمها
ذا وصلوا على سيد العباد الحبيب = من بعث بالرسالة واخلص وتمها

المشاركة الأصلية كتبت بواسطة فهد الدباسي يزيد النمي فخرٌ لي أن أكون الأول هنا مصافحةٌ جميلة كل سنة و أنت طيب و بـ صحة و سلامة صح لسانك و لاهنت تقبل تحياتي

المشاركة الأصلية كتبت بواسطة إيمان السعيد . شاعرنا يزيد النمي . . صح لسانك مليون ولايكفون . . ابداع وتميز غير مستغرب من شاعر بحجمك . . . . دمت بهذا الحضور الطاغي . . . . . ولاعدمنا تواجدك . . تقبل فائق تقديري واحترامي إيمان

المشاركة الأصلية كتبت بواسطة مشاعل ابراهيم الله الله عليك يزيد قصيدة رووعه من شاعر ولا اروع صح قلبك وكلك يالغالي واسمح لي ان انحت اعجابي هنا ولا تحرمنا من جديدك دمت بألف خير