|
الطفلة .. (مُنى) ماتت في حادث مرور......!!
بسم الله الرحمن الرحيم
اللهم تقبل صيامنا وقيامنا وقربنا إليك يارب العالمين.! إخواني الكرام ..! في البداية أحب أن أورد لكم مناسبة هذه القصيده بإختصار ! المناسبه هي قصة لشخص ٍ تعرّض لحادث مروري مروّع فقد فيه إبنته (مـُـني) والتي تبلغ من العمر ثمان سنين..! وقد روى والد الطفله من ألمه مايذكر من آخر الكلمات التي قالتها له طفلته (منى) قبل وقوع الحادث الذي وقع في الخامس عشر من رمضان الكريم بعد صلاة المغرب . يقول: أن مما قالته له إبنته منى: (يبه في التلفزيون يقولون السرعه تموّت..!!) وهذا لأنها لاحظت سرعتي ! ايضا قبل أن تنام قالت لأبيها وأمها (قوّموني للسحور عشان اصوم) يقول والدها رديت عليها كعادة أي أب يطلب منه طفله هذا الطلب بأنه بدري عليك تصومين .. يقول فردت عليه (لا بصوم غصب غصب ..!) و بعد ذلك نامت الطفله وحدث الحادث وهي نائمه و الذي على إثره إحترقت السياره بكاملها بعد أن نفذ هو وزوجته من السياره لكن لم يتمكنوا من إنقاذ (منى) وهذا بلا شك قدر من الله ولا سخط ولا اعتراض .! فكانت هذه الأبيات منّي على لسان والدها ...! وقبل كل شئ أسأل الله لأهلها الصبر والسلوان .., بالصوت http://www.alenad.com/up/uploads/fast/mmo.ra - كنّي مع الهمّ إبوعد ..! .............!نقتل على الدرب السعد.! نقتل تباريح السرور! كلّه بــ أثر حادث مرور....!! ماتت منى بحآدث مرور ومآت الهنآ -
ماتت (منى) بنـّـتي بـ أثر حآدث مرور=مآتت وفرحي بعد ما ماتت غرب! بعد صلاة المغرب وفرْح الفطور=بعد خمس طعش بها إصيامي كُـتب..! نآمت وقالت (قــوّموني للسحور)=(بصوم بكره يايبه غصب .. غصب)! نامت وماتت في خشوع وفي طهور=طفلة ثمان سنين والفرقــآ غضب..! في ثانيه فارقتها بَعدْ شهور=وسنين عاشتها معي فرْح ولعب "حادث ثواني" روّع النآس الحضور=صار الحديد إلــ نآر حادثنا حطب! ما آقول حكمك يا إلاهي فيه جور=راضي بحكمك والذي بيْ إنكتب لكن يارب إنتابني بعض الشعور=إنّي أنا في موتها أول سبب أسرعت ما حسّبت في بعض الأمور=وهي ترجـّـاني (يـُـبه) هدْ إبأدب والحين كنّي أسمع أصوات القبور=تضحك لها وآنا عليها مكتئب..! وشلون ما أذكرها وهي ريح العطور؟=وشلون بنساها وهي طعم العنب؟ جبينها يطري عليْ مع كل نور=بسماتها تطري عليْ وقت الطرب! وشلون .. بعد إشلون .. والدنيا تدور=ومنى معي حتى إذا أغضيت الهدب.!! منى .. منى (ماتت بـ أثر حادث مرور)= وأنا يأنبني شعوري بـالسبب !!! |
والحين كنّي أسمـع أصـوات القبـور****تضحك لها وآنـا عليهـا مكتئـب..!
هالبيت عن قصيدة وربي قصيدة هزّت وزلزلت كياني بحزنها والالم الذي لامس قلوبنا عن جد قدرت توصّل مدى الحزن الذي حل بوالد منى وهذا يدل على مدى شاعريتك وابداعك يالغالي الله يرحم فقيدته ويغمد روحها الجنة وصح قلبك يالغالي وكلك على هذه الرائعة التي عانقت القلوب بعذوبتها والاعذب مافيها هو احساسك الجميل الذي عطر القصيدة يالغالي ولي الشرف ان اكون اولى المعانقات لرائعتك سجل اعجابي ومتابعتي لكل ماهو جديد لك دمت بود |
بدر http://ccs.jeeran.com/p2.gif هزيـت مشاعرنــا صح لسانك على هالقصيدة المؤثرة ويعجز اللسان !! http://ccs.jeeran.com/p2.gif |
الله يرحمها رحمه واسعه ويصبر أبويها الحوادث .. مصيبتها مصيبة ,, نسأل الله أن يلطف بحال المسلمين بدر بن غازي حرف مؤثر .. معبر صح لسانك .. ألف لاهنت أخوي |
انا لله وانا اليه راجعون
قدر الله وماشاء فعل تقبلها الله بواسع رحمته ومغفرته وألهم ذويها الصبر والسلوان اللهم انا نسالك العفو والعافيه في ديننا ودنيانا واهلنا ومالنا بدر دائماً حروفك صادقه ومعبره تقبل تحياتي وتقديري لك |
بدر غازي
قصه مؤثره وأبيات كلها عبره صح لسانك ولا هنت وألف رحمه على منى وربي يصبر أهلها ويجبر كسرهم تحياتي لك |
ويبقى الدمع هو سيد الموقف ترتفع الأيدي للخالق بأن يرحم منى وان تكون شفيعة لوالديها يوم المشهد العظيم بدررررررررر دائماً قصائدك تحمل معنى ومضمون قصائد تحمل هم إجتماعي ... ومشاعر إنسانية ألف ألف صح لسانك وصح قلبك |
القديرالشاعر بدر غازي
قصيده أنسانيه مؤثرة وحزينة الله يصبر ذويها ويجعلها شفيعه لهم يوم القيامة صح السانك اخوي ناصر الشعلان |
. . قصيدة أكبر من كل تعليق يكفيها موقفها ومناسبتها وان كاتبها شاعر الالف بيت العلم بدر بن غازي . . رحم الله منى وأسكنها فسيح جناته وخلف على اهلها خيرا وعاش الانسان بداخلك شاعري بدر بن غازي . . . ويبقى لي الحزن . . فائق تقديري واحترامي |
الله يرحمها رحمه واسعه ويصبر أبويها اللهم امين جددت جرح توه ماطاب يابدر تحيتي لك |
صح لسانك وجاد نظمك لاهنت ولاهان راسك تحياااتي |
بدر أقسم بالله أنك راقي و مدهش تحضر لـ تُلجم أفواهنا بـ نصوصك التي تفوحُ منها رائحةُ الوفاء و الأصالة أصيل يابو ساره و ربي أصيل و كبير صح لسانك يا بعد راسي و لاهنت تقبل تحياتي |
صح لسانك وتسلم يمناك حضور متألق ورائع تحياتي لك ولقلمك المبدع |
| الساعة الآن 11:25 PM |
Powered by vBulletin® Copyright ©2000 - 2026
