|
صباح الخير ** مهداه لكل محب لكيان المملكة وولاة امرنا
عودة لكم بعد فترة توقف منذ بداية رمضان وحقيقة كنت أنوى التوقف طيلة شهر رمضان الكريم ولكن المكرمات المتوالية لقائد مسيرتنا خادم الحرمين الشريفين الملك عبد الله بن عبد العزيز لا يمكن ان تمر مرور الكرام على أقل تقدير على المستوى الشخصي .
أترككم مع القصيدة :
صباح الخير يا حلوة صباح الهيل والدلة=صباح أجمل وأحلى من ورود الحب والبلور صباح ٍ يشبه ألوانك وروعة سهلنا وتله=صباح الراعي ونايه وقوس الشمس والتنور صباح ٍ من معاني الحب جمع لك محتوى السلة=صباح ٍ يشبه لضحكة رسمها طفلنا المسرور صباح البـِشر والطيبة بوجه ٍ كلنا نجلّه=صباح العشق وإحساس ٍ بدنيا المغرمين يثور صباح العز والتمجيد وبيرق بالسما علا=صباح النور يا داري يا أرض المملكة والحور صباح العفو والغفران لشهم ٍ يدمح الزلة=صباح ٍ للي في حبه بنينا من غلاه قصور صباح الخير أبو متعب صباح الورد عبد الله=صباح ٍ يبري المنصاب ويجبر علة المكسور صباح الدعوة الحلوة في نبرة شايبٍ هلاّ =بركب الجود ورجاله وفيض إحسانك المبرور صباح ٍ صار لأوطان العروبة مذهب وملة=صباح اللي غدينا هم تفكيره وذات شعور وأبو خالد ولي العهد سليل المجد وأهل ٍ له=كفوف الجود ما ترقى تباري كفه الممطور سخاه وطيبته خلت كفوف البخل معتله=مثال ٍ يكتم الحاسد ويكسر نابه المسعور علينا يا وطن تبقى عزيز ورايتك تعلى =ونذر ٍ ما يصيبك في محبتنا خلل وقصور نحبك كثر رمل الأرض كثر ما نحلف بوالله=لأنك تاج عز وفخر وحبك بالحشا معمور سعودي وأفتخر إني سعودي وكلمتي جزلة=سعودي لأختلف راي ٍ يجوني يطلبون الشور سلمت قلوبكم جميعا ً محبكم حمد الأسمري |
حمد الأسمري الله الله عليك وألف صح الله لسانك جمعت مشاعرنا معك في هذه الإسطوره الوطنيه والله يخلي لنا مملكتنا وأبو متعب تسلم يمينك ولاهنت فائق تحياتي |
العزيز حمد الاسمري
للملكه ومليكها حب في قلوبنا كلنا فمكانتها ومكانه مليكها لا تضاهيها مكانه اخرى دمت لنا مبدعاً ودامت المملكه ومليكها واهلها بكل رقي وحضاره |
http://00op.com/up/uploads06-08-17/eb40891f03.gif حمد الأسمري أصفّق وبحرارة لهذه المشاعر الوطنية وبالطبع هي مشاعر غير مستغربة لكل من يحمل ذرة حب لهذا الوطن المعطاء ألف ألف صح لسانك ولا هنت |
صح لسانك وجاد نظمك لاهنت ولاهان راسك تحياااتي |
صباااح أبو متعب حمد الأسمري حضور جميل صح لسانك .. ولاهنت أخوي |
عز الله إنه يستاهل و ماقصر مع الجميع حمد الأسمري نصٌ جميل و حضورٌ أفرحنا كثيراً صح لسانك و لاهنت تقبل تحياتي |
. . شاعرنا حمد الاسمري . . صح لسانك ويسلم بنانك . . حضور جميل وتواجد يستحق الاحتفاء وشاعر نطرب لمعانقة جديده . . . . سلمت وسلم نبضك واحساسك ودمت مبدعا" بكل حالاتك . . . تقبل فائق تقديري واحترامي |
حمد الأسمري
. . . هلا وغلا شاعرنا المبدع نص راقي غارق بالجمال . . . صح احساسكـ ونبضكـ ودمت لنا نقاء لاينتهي مدادهـ إيمـــــــــان |
الاسمـــــــــري الروعه والرقه والمعانى المهندمه تتلخص هاهنا وترسم بريشتك المبدعه اجمل المعانى ساكون دائما هاهنا انتظر رونق هذه المعانى الراقيه تقبل كل التقدير لك همسات قلب |
صح لسانك وتسلم يمناك حضور متألق ورائع تحياتي لك ولقلمك المبدع |
صح لسانك ولاهنت
رائع واكثر من رائع تحياتي لك |
أخي حــــــمد الاســـــــــمري
الله الله والنعـــــــم فيك يا الاجــــــــــودي وبأهل الســـــــــــعودية كلها نص رااائع ومميز فـــــــ لله درك ألف صح لسانك وقلبك على هذه الرائعه التي بروعه حضورك ورقة تواجدك لا تحرمنا من مشــــاركاتك الجميلــــــــــة دمت بألف خــــــــــير |
قصيدة رائعة جدا
كل الشكر لهذا الإبداع صح قلبك وبدنك ولاهنت رنين الماس |
| الساعة الآن 07:42 AM |
Powered by vBulletin® Copyright ©2000 - 2026
