.لااااااماكتبت الشعر لجل الجماهير=وماهمني لو البشـر مامدحونـي
عندي من المعنى حروف وتعابيـر=مركب خيالـي ذلهـم واعرفونـي
مادور الشهره وحسـد المشاهيـر=وماطـــرد ورى لقـــمه وأقول اسعـفونــي
الزيز يومن زل من هو بغى الزير=يوم انحنى راسه يقول اكرهونـي
انا حياتي حلم مـن دون تفسيـر=بدري عليهـم كانهـم فسرونـي
ان كانها لقمه انـا لقمتـي غيـر=رزقي علـى ربٍ عليـم ابشؤنـي
دام الولي قادر على لقمـة الطيـر=وشلون ابشره للبشـر ساعدونـي
الموت واحـد والمنايـا مقاديـر=يـارب عفـوك لابغـوا يدفنونـي
انـا وفقـري والـدلال المباهيـر=نسعى ورى القمه وتكرم عيونـي
الي يبينـي لـه معـزه وتقديـر=ومن لابغونـي عمرهـم لابغونـي