ليت القضي شوفه سوات المواقـع = أضغط على قوقل بأسمه واشوفـه
من شوقي له فكري مـعاد ايتجامع = حتى لساني مـا يجمّـع حروفـه
أشتقت للي غاب مـا قـال راجـع = أشتقت للي ذاري ٍ فـي ضروفـه
أشتقت أنا شوفه وللوصـل طامـع = أشتقت أنـا والله نبـرة عزوفـه
وأنا على هـذي بترّجـم مقاطـع = مقطع يشوق الحب مقطـع يلوفـه
ليته مهاجـم وأنـا ضـده مدافـع = يلعب على كورة حلا فـي تروفـه
وليته عياده كـل فتـره وأراجـع = بي حمة ٍ تشفـي بشوفـة ولوفـه
ليته وليتـه لـي نجـم ٍ وساطـع = والا قمر ما ينتحـي فـي كسوفـه
ليته ورق يدخل بصـدر المطابـع = المطبعه عينـي تصـوّر وصوفـه
ليتـه وليتـه ثـم ليتـه وتابـع = لو يتحقق مطلبـي مـع حروفـه
مير أكتفي (( ليته كما هالمواقع)) = أضغط على قوقل بأسمه واشوفـه