يا صاحبي ما ذكرتك من غلا .. طارب = البال مشغول .. وانت .. اسهمك منخفضه
والكلمة اللي تبي .. تجمد على الشارب = خذها من الشاعر .. اللي ما كذب لفضه
عز الله اني بلشت .. بفكرك الضارب = شوهت وجه الذهب .. والماس .. والفضه
ما تنسى في المواقف .. وقفة محارب = يا حض من جابها في الطيب .. يا حضه
ما يدخل البحر صاحي .. ما معه قارب = مصيرة .. يصير . . زاد الحوت لا خضه
واللي ترك حبلها ملوي .. على الغارب = ما حسب الخطوة اللي جت على المضه
تحمل لشرق الوطن .. شرهات ابو زارب = اللي سكن في الجنوب .. وناظره غضه
عن ما تسويه بعض الناس في الصارب = اللي كفاهم .. بشيل الحمل .. والجضه
يا حر صدر الجنوبي .. لا دعى .. يا رب = ما صاد له حيلة ً .. في همه يقضه
يا قوم .. وجه العنى .. بعيد ومقارب = ما عاد له .. في نفوس الناس محفضه
ما يستوى صالح العربان .. والخارب = شتان .. بين الثنين .. السور والفرضه
واللي على باله .. انه يحلق الشارب = ما تدري الناس .. عن طوله ولا عرضه
يا بو شنب .. لا تهمك صيحة الهارب = اللي فقد بندقة .. يخاف من عضه
واللي زرع حنضله من مرها شارب = تاتي به احداثها .. والنفس مكتضه
واللي على المخطيه .. مجنون ويضارب = بكره يحصل على جسمه مية رضه
واللي هدم سد مارب ما بكى مارب = غير تواريخ .. لو به ناس .. معترضه
يا حادي العيس .. ما لك شارب(ن) تارب = خلك ورى العيس .. واللي يمتلى فضه
المجد لأهله .. ولا لك في الوفا عارب = خلك على شرهتك .. لو شرهتك .. غضه
والمحتمى من شقى المجروب .. والجارب = أخير له .. من كنوز الارض .. في ارضه

اخي معيض


الف شكر لك على هذه القصيه


الاكثر من رائعه

البـال مشغـول .. وانـت .. اسهمـك منخفضـه
والكلـمـة الـلــي تـبــي .. تـجـمـد عـلــى الـشــارب
خذهـا مـن الشاعـر .. اللـي مـا كــذب لفـضـه





ولو تواصلت القصيده على نفس النطق لقافية عجز البيت



لكان شي غير معقول


علماً بإن القصيده كامله روعه

سجل اعجابي


تحياتي لك


دمت بود