ياعيني اللي في هدبها حراره=من واهجٍ باقصى الضماير متكي
مايذبح الرجال ويشب ناره=ياكود شيءٍ يزعج البال ضنكي
(لاطاب نوم اللي حياته خساره)*=أنا اشهد انه يقصر العلم تركي
ياشيخنا اللي مايهاب النماره=يشهد له التاريخ من دون شكي
ليت الزمن ماغيّر طبوع ساره=ولاأشوف حال الناس حالٍ يبكي
المرجله ماهيب سهم التجاره=موتر وفله بين أجارٍ وملكي
ولاهيب حيّ الله تجي بالشطاره=صوّت له(مبارك)وايده(بركي)
واليوم انا بكشف غطاء الستاره=يااهل العروبه بلوتك من عربكي
مادام(سرحي)باع بشت الاماره=يخرب بيوت الشعر(هيكا وهيكي)
ومادام(طوني)شبّ ضوّ المناره=لاوالله ألا ريحة الهيل(اوكـokـي)
الزيت حذرا لاتزوّد عياره=ترجع على بنشر عراويك تشكي
واحد واصفاره تزاحم يساره=وواحد واصفاره يمينه يزكي
واللي يوايق فوق سطح العماره=يجيه يومٍ فوق راسه يركي
الشيب يكسب صاحبه من وقاره=والبعض شاب ويخلط الدين شركي
أحدٍ طموحه ماتعدا الزقاره=وأحدٍ غناته عن ملايين بنكي
والرزق عند مفرج الضيق تاره=ماهوب عند متبعين الدببكي

المشاركة الأصلية كتبت بواسطة تركي هاجد حجز اول ولي عوده0

المشاركة الأصلية كتبت بواسطة محمد الفرحان . . سأعود يامبدع

المشاركة الأصلية كتبت بواسطة جمال العتيبي سلمان العتيبي صح لسانك يالقرم قصيده رائعه بروعتك تقديري لك اخوك

المشاركة الأصلية كتبت بواسطة حماد القريني صح لسانك وجاد نظمك لاهنت ولاهان راسك تحياااتي