لاسألتيني عن احوال الغرام=قلت لك مدري بدونك من انا
وان سألتيني عن أسرارالكلام=قلت آه وآه من صمت العنا
وان سألتيني عن جنون الهيام=قلت لك موتي من اسبابك دنا
وان سألتيني عن طعون الظلام=قلت ماللشمس بعيوني سنا
وان سألتيني عن أسراب الحمام=قلت تاه وفي سما الغربه فنا
وان سألتيني عن حدود المرام=قلت لك انتِ نهايات الهنا
وان سألتيني عن دموع الغمام=قلت هلت من سمانا بأرضنا
وان سألتيني عن حروف المرام=قلت لك شعري من احزاني جنا
وان سألتيني..نويت الانهزام=قلت لابالله عزمي ماانثنى
وان سألتيني عن حلول الخصام=قلت شرع الحب يفصل بيننا
وان سألتك يوم عن حال الغرام=خبريني في فوادك من أنا