يسعد مساءكم اعضاء ومحبي منابع ..
في البدايه اشكر الشاعره / دانة الجوف على دعوتها
ويشرفني الانضمام لهذا الصرح الشامخ ..
ارجو ان اوفق معكم ..
ومصافحتي الالــــى !!

آه ياحلم ٍ على شانك سريته =لين بان الصبح .. ما جاله نهايه
جيت له ضميان شوق .. ولا رويته=كلما قرّب .. تبعثر في سمايه
وآه يا وردٍ على كفي جنيته=بين جد .. وجد .. واوهام .. ودعايه
وآه ياكاس ٍ على كيفي خذيته=سلسبيل ٍ ينتعش حوله مسايه
حلم ليل .. وفيه صار اللي نويته=من غلاه اموت .. ويموت بغلايه
فيكـ / شوقي ذاب .. والخافق كويته=ومن نبع صافيك ما هوّد ضمايه
عنكـ / ياكل الغلا قلبي نهيته=بس حبكـ / منطلق لآخر مدايه
كيف لا .. والقلب بيدينك نسيته=ولا ذكرته لين كمّلت الروايه
والله انك بالغلا عرقي ثنيته=لين وثّـقـت النهايه .. للبدايه
وصار حبك داخلي والبيت بيته=فيه مفهوم التكتم والحكايه
ماعلى غيرك حسافه لو نحيته=انت وحدك .. بالبدايه .. والنهايه