لك الله أن نسيانك فلا يطري على بالي = تطمن لو يطول الوقت مثلك صعب نسيانه
تراك الأول الحالك تراك الحالك التالي = أنا وشلون أبنسى وانت معك الروح ولهانه
عنك لو طول أغيابي عنك قلبي ماهو سالي = غلاك المعّلم البارز بقلبي شب ضيانه
حبيبي يابعد عمري وياهمي وغربالي = أنا بنشدك كيف القلب لولا نبض شريانه
وأبا منك الأجابه بختصار وشوق يالغالي= دخيلك لاتعديها عروق الدم عطشانه
ونصيحه لاتسمع هرجة أهل القيل والقالي = هل النمات كم شالو ثمر ناضج أبستانه
أنا طرقي معك مبطي وعنك صعب مرحالي = وانا ضيفٍ ضواه الليل جاك بنفس شفقانه
تراي أنسان عادي بس أحبك حبٍ أهبالي = ولو نار الغرام أتشاف كانك شفت نيرانه
وانا لو قلتلك بنساك فال الله ولافالي = غلاك اللي ملكني دون هجرك صك بيبانه
ترى حب الوفاء ماهي محبة وقتنى لحالي= أبا منك وتبي مني ولاينشاف برهانه
ومحبتنا على عز وشرف ياعدم الامثالي = وعلى هذا تخاف أنساك هذي مالها خانه
تطمن دام راسي حي حبك صعب ينزالي = وكانه غاب راسي عنك عذري منك جثمانه