|
الحب العنكبوتي / كلاكيت أول مره
هكذا جاءت : مرتبكه وغير مرتبه اتمنى قبولها كماهي
تذاكر رحلتي عندك عذابات وحبر قد جف = تبي تحسب على عد العمر أوراق مخزونه بقايا الصمت في خافي ضميري واقفه لك صف = تبي تبعد / تبي تقرب / تحير وقتها بلونه قبل لاحكم على قلبك حكايا الحب لك تنزف = أبي أحكي بما شفته / قصص هالحب وطعونه لقيت إن الهوى مسرح / على شباكه موقف = طوابير البشر تشري ( تعب وأحزان مدفونه!) لقيت ان الهوى مسرح / عقول الناس به تختف = الاماصعب وفا هالناس والنكران ياهونه ! مقاعد فـ الهوى تغري عيون(ن) بالهدب تلتف = شفايا الموت/ حلايا الصوت والألحان موزونه بداية عرض/ نهاية قلب جروح الوقت به تصطف = شفايا الصوت / مرار الموت / والأسماع مرهونه ذهول يضج بالقاعة من أول عرض به يكشف = بداية حب يرويها / كذب وخداع مسكونه يلامس كفها برفوق / خيال الوصف به تنهف = بعيد وخلف هالشاشه / يحاول يشبع جنونه تضيع بعالمه ورده / تموت إلا بعد تقطف = يبدل ورده بورده / يموت الورد بغصونه نهاية عرض يدمي قلب / مناظر هالهوى تنعف = تبين اخر كلامي لك : رماح الوقت مسنونه انا ماهوب ذا سلمي / ولا والله ازفك زف = على درب الوفا والنور / يموت القلب بغبونه غرامك يبست عروقه / ركنته فوق ذاك الرف = وانا مادوج في سوق(ن)جميع الناس يردونه تبين الصدق ؟؟ أنا ماعاد لي في هالهوى من شف = قفلت الباب من دونك ! قفلت الباب من دونه !! |
.
. حضور أول ولي عودة . . |
انـا ماهـوب ذا سلمـي / ولا والله ازفـك زف
على درب الوفا والنور / يموت القلـب بغبونـه - غرامك يبست عروقه / ركنته فـوق ذاك الـرف وانا مادوج في سوق(ن)جميـع النـاس يردونـه - صح لسانك وسلم بنانك جزله من راس جزل شموخ بلا حدود |
محمد الفرحان تبقى الحياة مسرح ويبقى هذا المتصفح شباكاً للذائقه نصطف أمامه لنروي ذائقتنا بكم غزير من الشعرالغزير صح لساانك تقديري نايف الجزاع |
بسم الله الرحمن الرحيم محمد الفرحان السلام عليكم ورحمة الله وبركاته صح الله لسانك ابدعت وأمتعت لله درك من شاعر كلمات جميله وقصيده راقيه بارك الله فيك وفي حروفك تقبل التقدير والاحتــــرام مــــــــن أخوك خليل المطيري |
محمد الفرحان لا أعرف ماذا أقول هنا يا عمي الغالي دعني أستجمع حروفي و أعود |
محمد الفرحان تبين الصدق ؟؟ أنا ماعاد لي في هالهوى من شف ------------------قفلت الباب من دونك ! قفلت الباب من دونـه !! - الله لهذا الجمال الوافي وتلك الاحرف التي تروي ضمى من يقرءها - الف صح لساانك |
. . محمد الفرحان قصيدة رائعة استمتعنا بجمالها الأنيق لله درك دمت بخير |
اصدق ماقيل
واروعه باسلوب قد يعجز الكثير عن الوصول اليه قصيده واقعيه احتوت الحكمه من شاعر عرف كيف يصيغ حروفها لتخرج بهذا الجمال سجل اعجابي اللا متناهي وعذرا ان اطلت المكوث او اعدت الحضور الهنوووف |
لقيت إن الهوى مسرح / علـى شباكـه موقـف طوابير البشر تشري ( تعب وأحـزان مدفونـه!) - لقيت ان الهوى مسرح / عقول الناس به تختـف الاماصعب وفـا هالنـاس والنكـران ياهونـه ! هنا الشعر بـ كامل بهاءه قرأت الوفاء يا منبعه نص لا يُستغرب أن يحصد النجاح و يسلب الألباب فـ هذا هو الواقع الذي نعيشه و إن اختلفت المشاهد صح لسانك و لاهنت تقبل تحياتي |
| الساعة الآن 04:52 AM |
Powered by vBulletin® Copyright ©2000 - 2026
