|
طاح العراق وانتهى حكـم صـدام
طاح العراق وانتهى حكـم صـدام=والنفط الأسود جففوا له محيطـه بغداد صارت كلها حروب وألغـام=والجرح زاد ومـا قدرنـا نخيطـه حنا التهينا بالصحافـه والاعـلام=وامريكا صارت ترسم النا الخريطه سنه وشيعه أكراد لعبوا بالاسـلام=طحنا طوايف في بحور ٍ غويطـه حنا نحارب بعضنا وعمنـا سـام=كوّش على البترول وأضحى يحيطه عام ٍ مضى يتبعه عام ٍ ورى عـام=متى بتصحي يَكبـر أمـه عبيطـه منهو عليه الدور مصر ٍ أو الشام=ولا الخليج يقصوا باكر شريطـه ؟ الناس ترجم في منى إبليس هالعام=وابليس هذا العام ما هو بمحيطـه ابليس ساكن وسطنا يزرع أوهـام=واحنا بصمتنا أكثر امـه نشيطـه أمريكا صارت رب وإحنا لها قيام ؟=ولا هي صارت عند ربي وسيطه ؟ اليا متى نغرق بساطير وأحـلام ؟=واليا متى نقول المصيبه بسيطـه مليار حنا وكل أبونا غـدا أيتـام=حتى الكرامه فـي دولنـا لقيطـه ننسى جروح العـام ننظـر لقـدام=وندري بإن قـدام ساقـه ربيطـه صرنا لسام اليوم توقيـع وأختـام=ما غير هرج ٍ واللسايـن سليطـه اليوم أمره كـان حكـم ٍ بالاعـدام=واحنا الهيامى بالدروب السقيطـه صدام يا رمز الشجاعـه يصـدام=جسر العروبه زعزعوا اليوم حيطه طاح العراق وانتهى حكـم صـدام=وبغداد صارت خارجه من الخريطه |
أخي أكرم التلاوي
الله الله عليك قصيدة في قمة الروعه من شاعر ولا اروع فــــ لله درك ولا هنت وصح لسانك مليوون ولا يكفون أجمل التحايا |
أقف إجلالاً وإحتراماً للكلمات أقف إجلالاً وإحتراماً للمعاني التي شرحت الوضع العربي الراهن اكرم ألف ألف صح لسانك ولا هنت |
بيض الله وجهك
وصح السانك تحياتي |
شاعرنا المبدع
أكرم التلاوي . . صح لسانك ويسلم بنانك على هذه القصيده الرائعه بروعة مبدعها . . . . سلمت ياشاعرنا ودمت مبدعا" كماانت . . . . تقبل فائق تقديري واحترامي إيمان |
أكرم التلاوي قصيدة على الجرح صح لسانك ألف ولاهنت |
سلمت وسلم نبضك على هالنص الراقي سجل اعجابي ومتابعتي ولك تحياتي |
اقتباس:
أختي الكريمه مشاعل ابراهيم الروعه هي حضوركم الدائم وتشجيعكم الجميل صح بدنك ولا هنت ِ وألف شكر لك ِ على حضورك البهي دمت ِ بكل الخير وتقبلي تحياتي |
اقتباس:
أختي الكريمه حايره وأنا أرفع قبعتي تقديرا ً لوقوفك وحضورك الجميل أشكرك جزيل الشكر على هذا التواجد الكريم وصح بدنك ولا هنت ِ ولا هان غاليك ِ لك ِ كل الشكر وتقبلي تحياتي |
الناس ترجم في منى إبليس هالعـام
وابليس هذا العام ما هو بمحيطـه ابليس ساكن وسطنا يزرع أوهـام واحنا بصمتنا أكثر امـه نشيطـه أمريكا صارت رب وإحنا لها قيام ؟ ولا هي صارت عند ربي وسيطه ؟ اليا متى نغرق بساطير وأحـلام ؟ واليا متى نقول المصيبـه بسيطـه مليار حنا وكل أبونا غـدا أيتـام حتى الكرامه فـي دولنـا لقيطـه ياليت تتفق افكارنا على النمط المكتوب هنا ونفيق من غفلتنا صح فكرك سيدي ودام نبضك الراقي |
| الساعة الآن 11:25 PM |
Powered by vBulletin® Copyright ©2000 - 2026
