ماعاد عندي حـل شوفـي لنـا حـل=يابنت أنا اعتـذرت منعًـا للإحـراج
ياللي تملكتي علـى الوضـع كـ..كـل=أنا جريـح البعـد ووصالـك عـلاج
طال انتظاري والرجـاء باللقـاء مـل=مثل الأسير اللي فقـد حلـم الإفـراج
كان المصيبة يـوم خـف الجمـل زل=وشلون أجل يابنـت يفـرح بمخـراج
مابالفـقـر لــذة ولا بالعـطـاء ذل=الخوف لاينهـاك عـن نفـع محتـاج
ياهيه أنا ظامي لوصلـك وأبـى أعـل=ولو ماأطلب الغفران مارحـت حجـاج
وااا اتل قلبي من صميم الحشـاء تـل=غـرب ن يتلنـه معـاويـد هــداج
يصافـق الجيـلان ورشـاه مبـتـل=سواة عرق الشوق بالحـدب الأعـواج
على وصال ن كنـه المـزن لا هـل=ماهي وعود ن طعمها ملـح ن اجـاج
ماتـروي الظامـي ولا تبـرد الغـل=أتعاب عمر ن ماورى زودهـا انتـاج
بك تكثر آمالـي ومنـك الوفـاء قـل=وعكر مزاجـي منـك كثـر التغنـاج
يابنت أنا مااضبط سوالف خذ وخل= وأنتي تبيني تالي الوقت هراج
لا جاء اتصالك قلت يادليـم بـه هـل=من بعد ماهو غايتـي سبـب ازعـاج
لوعنـي التسويـف يازيـنـة الــدل=وأجزيت من شعر الرجاء أفراد وأزواج
يومني أسـوق القصيـد بشـذا الفـل=تخفيـن كـل مطالباتـي بــالأدراج
أبطيـت وأنـا أقـول عسـى ولعـل=ماجاء خبـر للـروح منعـش وبهـاج
واليوم يابنـت أبعـدي وأنتـي بحـل=أقولهـا لـو يحشـدن ضدهـا أفـواج
(روحي) ولو روحي من البعـد تنسـل=أسكت عليها ظلم وأنطق بهـا احـراج
إن ما سقط فرض اللقاء لخل في خـل=الصوت مايقطـع قـرم كـل محتـاج