|
يبون باب القصيد ولايدلونه....!!!!مشاركه اولى
أخواني وخواتي أعضاء منتدى منابع الأدبيه
السلام عليكم ورحمة الله وبركاته حضرت الى هذا المنتدى الرائع بدعوه من اخوي الغالي الشاعر /محمد الفرحان وإليكم هذه الإطلاله اتمنى ان تحوز على رضاكم ومحبتكم
أرتاح للشعر ويضاء أرتاح لفنونه = والشعر يحلى ليا جاء الشعر في حله الشعر له وقت ورجالٍ يعرفونه = لاجابو الشعر جابو دقه وجله مثل السديري ومرشد مايخونونه = أبيوتهم بالشعر حكمه ومدله الشعر مثل الذهب صافي يصبونه = وكلٍ يعده ولا تلقابه الزله ولاهو أقصورٍ بشعارٍ يجيدونه = لوقمت أبا عدهم جف الحبر كله وللشعر عشاق يقرونه ويروونه = وكل القصيد ألنظيف الناس تفطله لاكن بهالوقت جانا دان ولحونه = ناسٍ تحسب الشعر من جاه يحتله يبون باب القصيد ولايدلونه = بلوه بلوى وصارو للشعر عله ابيوتٍ أمكسره ماهي بمازونه = لوأنت شاعر تعاف الشعر وتمله هذا الزمان الشعر متغيرٍ لونه = شعرٍ قريته ترى ماهو على المله لقيت ناسٍ تبيع وناس يشرونه = أصبح مثل أي سلعة سوق منفله ومن يشتريله قصيده جاب طبلونه = وهو لو تعقد حبل الشعر ماحله وحد يتسلف ويتمشى على هونه = ونوبٍ قرينه على السرقه يطبله قلته وغيري شواعيرٍ يقولونه = وأن كنت غلطان درب الشعر مادله وسلامتكم |
. . الشاعر / القلب خشمان الرشيدي . . اهلا وسهلا بك في منابع الشعر والأدب وكلنا سعاده بتواجد هذا الاسم بيننا وعسى ان تجد لدينا مايكون دافعا" لك لتقديم الجديد والمميز وكل ماهو معهود منك ويكون سببا" في طيب وطول اقامتك بيننا . والشكر كل الشكر على تشريفي بقبول دعوتي وياهلا بك ومرحبا بين اهلك واخوانك ومكانك العيون والقلوب قبل المنتدى . . . . حضور للترحيب وسيكون لي عوده الى هذا المتصفح الفائق الشاعريه . . . . . تقبل فائق تقديري واحترامي |
.
. الراقي / خشمان الرشيدي رائع..حيث نظرت إليك وقليه...رائع صح قلبك / كلك . . ولك احتراامي...// |
حضور أول ولي عودة __________________ |
خشمان الرشيدي نصٌ راقي يستحق العودة له من جديد بعد الترحيب بك و بـ حروفك سـ أعود |
.
لا بالله تدله وتدله يا خشمان .. قصيدة طيبة .. وذات معنى طيب وواقعي .. صح الله قلبك ودام ابداعك .. أخوك محمد بن حزام |
اخي خشمان الرشيدي
صح لسانك و سلم بنانك و اعتلى شانك قصيدة ولا اروع من شاعر رائع ،تشرفت بمعانقة حروفها و حياك الله بين اخوانك و اخواتك ،نتشرف بوجود قلم جميل كقلمك لا هنت و لا هان حضورك تقبل خالص تحياتي اختك ونين |
خشمان الرشيدي سلمت وسلم نبضك على هالنص الراقي سجل اعجابي ومتابعتي ولك تحياتي |
خشمان الرشيدي نصٌ راقي و حضورٌ جميل استمتعت كثيراً بـ القراءة هنا شرفت و نورن عزيزي صح لسانك و لاهنت تقبل تحياتي |
يعطيك العافيه
كلام في محله قصيده شامله لكل المعاني سرني ان قرأتها |
| الساعة الآن 03:06 PM |
Powered by vBulletin® Copyright ©2000 - 2026
