احيه يا جمرٍ تسامرت ويّاي=كنّك تراكا فوق صدري وتكوي
اونست حرّك بين جنبي ومركاي=اسهر على صلواك والفكر يدوي
واسامر الهاجوس واروجع حداي=وذيب الغداري فالمراقيب يعوي
واقول له يا ذيب لا تفرِحِ إعداي=اجاوبك بالصوت والقلب مزوي
واقلّب الفنجال في كف يمناي=الضيف انا ياذيب وايضا المقهوي
ترشف همومي من فناجيلي شفاي=أخرم على الفنجال واصب واخوي
واضرب يميني من هجوسي بيسراي=احيان متعمد واحايين عفوي
يجرحني الهاجس واداويه بخطاي=اسوق رجلي لا اظلم الليل و اطوي
واحاكي الغدرا عسى تفهم حكاي=وارجي عسى ما نجمة الصبح تضوي
يا لوعة الهاجوس وش لك بدنياي=الجفن عاف النوم و الحال يذوي
مرحانها بالصدر من زود مشقاي=تسرح صلاة الصبح و الليل تضوي
ولا نيب مبدي للمخاليق شكواي=با كنها لو كان فالجوف تشوي