نويت اخضـّب ايدين القصيده.. واستر المكنون=مادام اللي يكفكف دمعة العينين راعيها
هلا.. واهلاً هلا.. واهلاً هلا.. واهلاً هلا.. مليون=حقيقه والحقآيق.. خافيه..! ياكيف نخفيها..؟

الحرف له وزنه.. وللشعر قيفان=والشعر من دونه سجون.. ومُـعتقل
الطف من النسمه على كل الاغصان=عاش الخزامى من وصآله والنفل
والطف من النسنآس.. والين من البآن=يالين قدّه تنظره فِل.. و افل
واليا نظر بالعين مدعوج الاعيآن=يروح ميــّه من سبآيب هالمـُـقل
واليا نظر للغيم جاوبه هتـّان=واليا تبسّـم له يجآوبه بـ/ سبل
ياكيف لو يضحك ثواني من الان ؟=المملكه تمطر سيول.. وتحتفل
راضي عليه الله..له الدين جنحان=والفرض لا صـلاّه ..ماكبّ النفل
ماشافت عيوني ترى مثله انسآن=مايعشق المزمار.. ولاحتىّ الطبل
شتـّـآن مامثله.. ولا فيـه سيـّـآن=مافيه لا بعده.. ولا مثله قبل
سبحان ربٍ صورّه.. صدق سبحان=كلـّه حيا.. كلـّه خجل.. كلـّه نبل
كل السجايا له عناوين.. واعوان=رزين.. عاقل.. والثقل كلـّه ثقل
وان كآن للزله مواطن.. وسكـّـان=مامنـّـه الزله تجي مهما حصل
حصنه منيع..وثابته كل الاركان=وطبق الاصل.. يفرق.. اذا شفت الاصل
لعيونه اشري صنّ لو كنت خسران=ثري.. فور.. ونلحق الفوره .. دبل
احيآن اقول انه.. وانا اقول احيآن=ان جيت له عاقل.. اروح بلا عقل

انا واعوذ من قـولة .. انا.. والنفس.. مرتآعه=اخاف اليوم.. ولين اموت.. انا .. يانفس .. مرتآعي
انا العبد.. الضعيف.. المومن.. المجبول للطآعه=ومهمآ يصير..انا التقصير.. مدهآلي.. ومربآعي..!

ماجّيت اشارح فالهوى وتشارح=وماجيت ادوّر للخطا وامارحه
جيتك وانا المجروح وانت الجارح=وخطآك قلبي يحضنه ويسامحه
والله يعافي.. من عفى ويسامح=والله يجازي من تعبت اصارحه
جيتك عسى فالي.. وفالك.. صالح=ساكت.. وانا عيني بعينك سارحه
الفكر سارح.. وانت فكرك سارح=والهم بحر وشوف قلبي سابحه
مانيب نازح عنك.. ماني نازح=لو العشاير عنك تبقى نازحه
صارح تكلّم لو تحّب تصارح=كلّ الاذاني ماتناسى البارحه
سمّيت بسم الله عليك البارح=من كلّ همٍ يطرحك واطارحه
دوّك الزلال.. ومدّ لي المالح=وبعون ربي كلّ همٍ سادحه
لا تنتظر حرفٍ يجيبه مادح=ولا تحترق في حرف شاله قادحه
لا نك اكبر وانت اول ناجح=بقلبي اللي كل همٍ سابحه
سمّيت من خوفي عليك البارح=وقريت لك قبل السؤال.. الفاتحه

الطيّب اللي فالقدوع اخاشره=ياقلب كسّر ضلوعي.. وانت ماغزّك ؟
ان زلّ تدمح له يالين العاشره=والمشكله لاحترق جوف القدر رزّك
والكلمه اللي جات ماهي مباشره=اخدمني اليا خدمتك وابشر بعزّك

البيت بيتك.. والديآر ديآري..!!=والنآر نآرك.. والوجآر وجآري.. !
اقلط.. وتقلط.. والنوايا بيضا=عارف غلاك.. وعارفٍ مقداري.. /
بين الضلوع.. القلب.. زفّك نبضَه..!!=ومحجر عيوني.. في عيونك.. ساري..!
انتي عليك امن الوصايا العشره 10 =اللي بداها للغـلا.. مشواري..!
ياكلمة العاقل.. قبل ينطقها..!!=ويامدّة اللي.. للمكارم..!! ضاري
وياسالفة من لا يحبّ.. يسولف!!=ويامعضلة قلبي.. !! وسدّ ستآري..
ويالساعه.. اللي شفتها مبروكه..!!=ويالطـآعه.. اللي ماتجي بالطآري..
يالمومنه.. يالطآهره.. يالعفّـه..!!=ياللي خطاها..! تبتديه اعذاري..!
اذا نسيتك..! ماذكرت الاّ انتي..!!=واذا ذكرتك .. مانسيت اخبآري..
كل الخصآيل..! تجمعك.. في خصله..!!=من لا درى.. يدري.. وقلبي.. داري..!
الرمش.. يرمش.. ويحكي.. ويسولف=والعين تضحك.. والخدود اتماري..!!
والبيت بيتك.. والديآر ديآرك..!!=والنآر نآري.. والوجآر وجآري..!!

من قريت الفآتحه..!! والعصر..!! والسبع المثاني..!!=ماتثنّت لي عزوم..!! ولا تهقويت الردّيه !!
بس عرفت اني.. مع الاوقات..!! والايام..!! فاني..!!=والعمر وان زلّ..!! ولاّ طآل..!! محسوبٍ عليّه !!
يالله انكّ.. يامقلّب.. بين اصابعك الجنآني..!!=ترحم العبد الضعيف..!! ولا تواخذني بسيّه !!
ويالله انكّ.. لا توثمّني..!! وتحفظ لي لساني..!!=بالذكر..!! ولاّ الهجوس الساحليّه..!! ساحليه..!!
القصور..!! البس ثيابه..!! والخطا..!! جيته وجآني=والقصيد..!! احبّ قربه..!! واكرهه..!! لا شفت غيّه !!
ماقهرته للشيوخ..!! ولا عسفته للغواني..!!=وان بدعته..!! مابدعته..!! للظروف العايدّيه..!!
جملّ الله حال..!! بيت الشعر..!! وجزال المعاني..!!=جابت اللي يطلبه..!! فالحال..!! مكسور الثنيه !!
والله اكبر..!! ياعزيز النفس..!! ياسهيل اليماني=ماتهّمك زلـّة الايام..!! وعيون البنّـيه !!
كلّ ماترقى سنود..!! ادري تكّـب ام الطمـاني..!!=والكبيره..!! في عيونك..!! مايحاليها حلّيه !!
والصغيره لو تزّين..!! ماتقرّب للسمّـاني=بس بانت في عيونك..!! نظرتين..!! ومقدرّيه !!
ماتوصّفها حروف..!! ولا تجملّها معاني=نظرة الحبّ..!! اليتيم..!! العّف..!! والاخرى حميّه !!
والغلا.. والشوق.. والتقدير.. درب المودماني=تعسف القلب العنيد.. وتقطف زهورٍ ندّيه !!
والهوى.. والغيد.. بالتحديد.. ورموش الثواني=في دقيقه.. تقهر الساعه.. ورى نجد العّذيه !!
كنت اقول اهديه ورد..!! وياسمين..!! وقحوياني..!!=ابدوي..!! ومات قلبه في هوى.. عشق.. ابدوّيه..!!
لين فجّ الضلع.. علمٍ.. من ورى الاضلاع جاني..!!=سآقه اللي ماورد حوض المحّبه..!! والمنيّه..!!
والزمن..!! زيزوم زمّل في زواياه الاماني..!!=والصبر..!! صيت القلوب اللي تعدّاها الزرّيه !!
شوفني عقب السنين..!! العوج..!! وين الله رماني..!!=بين قومٍ ماتعزّ..!! ولا تسوق الشاذليه..!!
واتحمّل..!! واتحاشى..!! واتجملّ في زماني..!!=واتصبّر..!! واتمهّـل..!! والليالي سرمدّيه
والكلام اللي نشيله من ورى حدب المحآني..!!=مايردّه كود صبر الادمي..!! والادميه..!!

اللي هقيته ذخر..!! ياجعله ذخر..!! =وجعل..!! الهقاوي..!! طيـّبه ..!! كل ماهقيت..!!
قرمٍ..!! ولد قرمٍ..!! وصقرِ ..!! من صقر=من بعد ربي..!! لا زبنته..!! ارتكيت..!!
من لابةٍ..!! تشتاق..!! للموت الحمر..!!=تجمعني العزوه..!! معه..!! كل ما اعتزيت..!!
والعزّ..!! والنوماس..!! ولله الشكر..!!=الطيب..!! له مدهال..!! والمرقآب..!! صيت..!!
ابو الجزاله..!! والجمآله..!! والبدر..!!=كل ما تعنى له..!! دريت..!! اني عنيت..!!
يا اهل الخُـبر..!! لو تنشدون..!! اهل الخُـبر=ماغبت..!! من كيفي..!! ولا بكيفي..!! مشيت..!!
واني قبل مااروح..!! مدّيت العذر..!!= اللي يسرّحني..!! وانا..!! توّ ماسريت..!!
لكنهم..!! ماقدروا..!! ذاك القدر..!!=قآلوا: بأني رحت..!! ويمكـّني..!! نسيت..!!
ذيك الهنوف..!! اللي حلاياها..!! حكر=هي..!! مهرةٍ..!! عسّـافها..!! عاف البنيت..!!
هيّ العزيزه فالخبر..!! مثل العزيزه في مصر=هيّ..!! الهجوس الطيّبه..!! كل ماهديت..!!
ومن لامني..!! يشرب من عيون البحر..!!=ولاّ القهر..!! ولاّ السهر..!! وجروح ليت..!!
رديّ عليّ ان كان..!! لي عندك قدر..!!=قولي طريت..!! فخاطرك..!! لو ماطريت..!!
العمر..!! مرّه..!! واستبحتيني عمر..!!= مابين وصلك..!! والهجر..!! حيٍ ..!! وميت..!!
يا اهل الخُـبر..!! لا تنشدون اهل الخُـبر=العذر..!! سرّحني..!! وانا توّ ماسريت..!!