ورثت جزل الشعر وأطيب معانيـه=من شايبٍ مرحوم ماغـاب زولـه
الله يجيـره والله إنـه يجـازيـه=بالجنـه العظمـى يخلـي نزولـه

عندنا حُكْم الشريعة..والسيوف المصرميـة=عندنـا الأمـان قرّ..وغيرنـا مايسْتـقـرّا
عندنا دمعة بحَر..بسمة غدير..اغصون حيّة=عندنا صحرا..وساحل..سهْل وجبالٍ..وبـرَّا
عندنا صيف الجنوب..وموجة الغربي شفيّة=والربيع اشمال شرقي والنّفَـل بالريـح ذرّا
عندنا أبها..يكْفي أبها تِرْجِع الكهلة صبيّـة=عندنا..وش عندنا..كل الجمال اللّـي يطـرّا

أستاذ/محمد
كل الشكر لك لرفعك هذه الدرة هنا
كلمات وأحرف كلها عذوبة وتحمل بين معانيها جمالا لايضاهي.
ومن هنا أتقدم بالدعوة لكل هؤلاء الشعراء والشاعرات المبدعين
بالعودة مجددا لمنابع.
واسمح لي أستاذ/محمد بان أرجو منك أن تتكفل بدعوة من تعرف من هؤلاء للعودة هنا مجددا لأنك كنت ممن عايشهم هنا.
فمثلما فرحنا بعودتك إلينا ننتظر عودتهم بكل شوق.