.

.

ماهي سعيدة من تزوج بشاعر = نهاية الرحلة عذابات وجنون

لنه بشر حساس كله مشاعر = وقلبه خضر يميل مع كل مزيون!
..

.

.

اقسى شعور تواجهه في حياتك = ماينوصف الا بعبرات ودموع

.

.

الحب حاجة من الله مالها اسباب = والكره نتعب وحنا نعدد اسبابه

.

.

الموقف اللي فيه تنزل دموعي = لاشفت بعض اشيا قديمة لأمي

تنزل دموعي غصب ماهو بطوعي = وانا الذي دمعي مساوي لدمي

..

.

.

بنت البدو تزرع بدنياي آمال = وابوها راعي ذود ماهو مزارع

تسقي بساتين الغلا دون اهمال = وتروي خفوقٍ بالهوى صار بارع
..

.

.

تكفى ولو كانت تهز الرياجيل = تراها كلمة ماتهز الصبية

بليز ماهزت رجالٍ حلاحيل = لكن توقِف شعر راس البنية!

..

.

.

ضاع الكلام وابتدت رحلة الصمت = على سكوتي سامحي واعذريني

.

.

ياقليل الخاتمة صبرا جميل = مادرينا عنك والله مستعان ..

الوفا في دنيتك شيٍ قليل = والنذل في داخلك ارخى العنان

..

.

.

من منطلق تقدير شخصي لذاتك = وتقدير كامل للوصل والزمالة

قررت احقق لك جميع امنياتك = وارد لك كل النذالة : نذالة

..

.

.

تعال نعلنها بلا أي تعقيد = اقول للعالم بأنك حبيبي

واصير قدام العرب : جايب العيد = حتى ولو ماتنكتب من نصيبي ‎‫

..

.

.

مبطي لعبناها : عروس وعروسة = واليوم نلعبها : عشيقة وهايم

كنت العريس اللي نجح في دروسه = وكنتي عروسٍ حظها دوم نايم

..

.

.

لايخدعك ضحكي ترى داخلي هم = وفيني من الاحزان قعدة وقومة

احاول اخنق عبرتي واتبسم = واصبر على ضيم الزمان وهمومه
..

.

.

علمتني وشلون احبك واراعيك = وعلمتني وشلون اقدر ظروفك

مديت لي كاس الغلا من اياديك = وعلمتنى وشلون أعشق حروفك
..

.

.

عقب الحوادث واصطدام المواتر = صرنا نتابع انقلاب القطارات!

طلع بيانٍ بارد الوجه فاتر = ماكن بالموضوع جرحى واصابات!!
..

.

.

عبرات قلبك داخل الصدر ترقى = تشارك انفاسك على شكل زفرات

عينك لاجات من ازرق الدمع غرقى .. هذي ضريبة حب نابع من الذات

..

.

.

كل الذي حولك يردد شعورك = ملامحك : صمتك ونظرات عينك

.

.

ماتجتمع بالعقل ذكرى ونسيان = الأجمل يكونون ذكرى جميلة

.

.

انا رجل شرقي واحب التملك = مااحب احد غيري يشاهد عيونك

.

.

‬‏ يبقى الطفل في داخلي يطلب اشياء = من ضمنها نظرة ولمسة حنونة

.

.

يبقى الوفا عنوان دربٍ مشيته = ووالله ماأمشي دروب النذالة

انت الوحيد اللي بعمري هويته = وببقى معك وافي على كل حالة

..

.

.

يبقى الوفا عنوان دربٍ مشيته = والله ماأمشي دروب النذالة

انت الوحيد اللي بعمري هويته = وببقى معك وافي على كل حالة

..

.

.

تعال شبعني ترى داخلي جوع = الحق علي قبل تعشى من الهم

..

.

.

في هالزمن شفنا رخوم وسرابيت = تعبث بتاريخ النبي والصحابة ...

..

.

.

خبري بها نلعب عروس وعروسة = وبزرانها هاليوم طقوا عيالي

ياكم عطانا هالزمن من دروسه = ولا استفدنا من دروس الليالي ..

..

.

.

ماقدرت اوصَفِك شعر وقصيد = كلما جيت اكتبك ضاع الكلام

وصفك المشهور عنك والأكيد = قلب أبيض في زمن كله ظلام

..

.

.

حنا شعب سكران من دون خمرة = مافيه داعي يجتمع خمر وسكار

سكرة طناخة باستمارة ونمرة = ناقف بوجه الريح والفلك دوار

..

.

.

كل النساء قلوبهن مثل الاطفال = حتى العجوز اللي غزتها التجاعيد

العاطفة فيهن على كل الاحوال = لجل الزمن يمشي بلأي تعقيد

..

.

.

يبقى الطفل في داخلي يطلب اشياء = من ضمنها نظرة ولمسة حنونة

يبغى يحس بموقعه بين الاحياء = وفي كل اوقاته يمارس جنونه

..

.

.

جلسة على شط البحر بآخر الليل = مااتكتمل الا بحضرة جنونك

ياأجمل احساسٍ جرفني كما السيل = تعال متعني بشوفة عيونك

..

.

.

عجزت اداري لهفة الشوق واخفيه = كلي نطق بالحب الا لساني

والله احبك حب مااقدر احكيه = لجله اشيل الهم واسهر واعاني

..

.

.

بيجي يوم واكتبها قصيدة من الاحزان = واقدم لك ابياتي وماطاب من بوحي

اقوله وانا محمد ابن مفلح الفرحان = بصيغك قصيدة باعذب اللحن ياروحي

..

.

.

مات الحلم بعد اصطدامه بواقع = وماعاد باقي غير ذكرى اليمة

.

العيد قرب ماشرينا مقاضي = والحال واقف والدراهم قليلة

معاشنا من خامس الشهر قاضي = ويالله برزقٍ ماهقينا مثيله

.

.

الحب خلاني اهذري بامي = مع انها بالقبر من عشرة اعوام

.

.

( خل اللقا مشروع افطار صايم ) = والاسحورٍ ترتجي من ثوابه

بلل عروق اللي على الدوم هايم = ضاع العمر ماجاه منك اجابة

.

.

لو صنعت اللي يسمى مستحيل = مالقيت لحظي الميت كفن!

.

.

عجزت اغرد قبل وقت التراويح = والهاجس الشعري مكبل بالاصفاد
.

.

عادي احبك حتى لو كنت صايم = بس الشعر صعبة اردد بك ابيات

وقتي اختصرته بين : صايم وقايم = والحب باقي داخل الصدر مامات

.

.

كنا نتواعد مع صلاة التراويح = وقت الطفولة والنوايا السليمة

كانت تجي واشوفها دون تصريح = كانت تجي وتروح باحساس غيمة

.

.

.

حالة ملل اعيشها طول الايام = صار الملل اوفى صديق بحياتي

من بعد فقدك يالغلا قبل اعوام = وانا اعيش الوقت مع ذكرياتي

.