للتعزيه لو هي على الكيف جيناك = لكن ورب البيت وقتي حداني
واقول للمرحوم يارب يجزاك=في جنة الفردوس تلقى الحساني
يارب يامعبود عبدك ترجاك = تجعل مقر العود باحلا مكاني
والله لفانا الهم يوم فقدناك=وان شفت يحيى صرت بالحيل اعاني
يارب ماللعبد ياكود رجواك= تجبر عزاه ولايشوف الهواني
واقول يايحيى تراني فداياك = والموت مكتوب علينا ظماني
امر تدلل لعنبو من تناساك =لو تطلب عيوني تجيك بثواني
لي الشرف في خدمة انسان شرواك=واللي بقلبي غصب قاله لساني
افرح الياشفت الفرح في محياك=واحزن الياشفتك حزين وتعاني
يالموت مافيه شخص يمكن تمناك=الا انا لعيون شخص نخاني
ياصاحبي لو تنشرى افراح دنياك =والله مااذخر عنك يابن الحصاني