يا مبعـــدن عني و أنا مولعن فيك = تعال شف وش فعل الايام فيني ..
غربلتني بالبعد مكبر تجنيك = واضميتني بالهجر يانور عيني ..!

قال الزعل : قلت الزعل لايجيني = قال العتب : قلت العتب حي طاريــه
قال الوله : قلت الوله حاجتيني= أشوف زولك كل يومـــن وأحاكيــــه
قال الهجر : قلت الهجر دوك عيني= لا عاد نــــور ولابقى شي نرجيه ..
قال الامل : قلت الامل وأنت فيني= تسكن / وترثع .. فيه قلبي وراااعيه ..!

قلي خطـــــاي.. ان كان لي بالخطا دور= مافيه عذرن دامني مـا رتكبته
لا نيب سايق قول يمك .. ولا شــور= الذنب ذنبك من يدينـــك كســـبته
لونك تجيني بالعتـــب فأنت معذور = ما غير قــدرن لي بــ قلبك حسبته
هذا كلام شعور لو جاك بسطـــــور= نيشت به هذا مرامــي وصبـــته ..!