عسى غيـابك بس من خير في خير=اشتقت لك وانته ولا انته بداري
ان مارويتك عشق ما ابغا ترى غير=ويبقى غيابك هو دليل انصهاري

اسـبح ملـياً بس جـوف اعمـاقي=سو مابدالك دونما تعقيبي
لكّن لا يطري عليك افراقي=لني احبـك وانت ماتدري بي ؟

النور نور وغير ذلك ظلمه=والكلمه اللي ضيقّـت ( مستوره )
كلمـه اخـيره مابعـدها كلمه=اللي يجي يامرحبا بحضوره

مليّت من كذبه وملّيت وعده=وياصاحبي ملّيت زلات الاقدام
والله على بكره وبعـده وبعده=والله على اللي مابقى لي من ايام

في ما مضى ادري ترى عنك لاهنت=هذا وانا اللي محشّمك في غيابك
دق الجرس وانته ولا حولنا كنت=والحين جيت وربك اليوم جابك

آآآآتوه في نظرة عيون المبسم=اللي اذا شفته تضيع علومي
2000 مرّه فالورق بالمرسم=ارسم ثغر عين البحر واقدومي

غايب ثلاث سنين مدري قد لك =وغاب الفرح من غيبتك يالعذري

كثرة غيابك ما تقلل وصلك=وان كان ماتدري انا اللي يدري
وان ضاق صدرك والله اني مثلك=يضيع فكري ويتضايق صدري
اركد على همّك ومهلك مهلك=انا اشيل همومك اللي تطري
مدّ الحبل يمّي واجوّد حبلك=واسريه ليلٍ يالغلا مايسري
تكرم مدينه كلها من اجلك=حملك له متوني وفزعة ظهري

ما عاد باقي شي او مابقى شي=كلٍ على ليله يغني وغنيّـت
الحي ميّت في عيوني وانا حي=والمِيت يحيَا في عيوني وهو ميت
هذي على هذيك وهذي على ذي=ولو الغـلا يشرى لـ ( عينك ) تعنّيت

ياحرفي اللي ماترجّـاه قافي=ياقافي اللي من حروفه تعـلّـم
وجيه تضحك بس اذا جيت لافي= ويمكن اذا سلّمت قامت تسلّم
تضحك وخلف الناب صمّ الفيافي=ولو اتألم مُستحيل اتألم
والخافي اعظم لا بغيت الخـوافي= اذا مشيت الله وكليك تكـّـلم
والحمد لك يارب والستر ضافي= كلٍ يشوف انه في وقته معـلـّم
امشي على جلمود صخرٍ حافي= احسن من امشي فالقفا ( واتكلّم )

اييييه احبك وانت في دمي جريت=شوف دمي تدري انك آآآآآآآه فيه