رد التحية / يا نسيم البوادي=وثن السلام / وحب لي كف يمناه .
ضمه بحناني / يا رهيف الودادي=والثم جبينه / وانثني حد ماطاه .
قل له : عليك العمر / بالفوت غادي=ضاعت سنينه / في رجا طبك ادواه
ومن فوق هام الوجد / جيتك أنادي=أضحك وموق العين / ذابت سواداه ..!
كل ما نويت أجفاه / و أقول : بادي ..؟!=ثارت بي عروقي / من الموت تعزاه .!!
ومن حر مابي / قمت ( أسنّد ) فوادي.!!=لا نبض ينزل به / ولا دم يرقاه ..!
قيل : المحبة / ولفت قوم أعادي ..!=يا كيف قلب اللي / تحبه وتهواه ..؟!!
عينه / سماي / وبسمتي / والبرادي=ونار السعير / اللي به الجوف مركاه .!
كني بريح الهجر / تعوي تنادي=بظيم الزمان / اللي غدى عندي ( اعواه ) ..!!
لبى العذاب ان كان لرضاك .؟ / ( عادي )=عافت جروح القلب / من ودك اشفاه .!
حظي تنكس بيرقه / بالحدادي ..!=وسارت به الدنيا / على الميل .. تحداه ..!!.
ودنيا غدت به علها / للنفادي=طوّت معاليق الحشا / حزن فرقاه .
أمحل ربيع الروح / وقت الحصادي ..!=وقفت ليالي السعد / بالعمر ( يفداه ) .