.

.

كلٍ يدور خوتي والصداقة = الا انت يانومي قليل الخواتيم

انهيت كل المعرفة والعلاقة = وخاويت لك نجمة حجب ضيها الغيم

..

.

.

حتى مع وقت الصباحات اشتاق! = هذي نهاية شخص يحب غايب

.

.

.

خذني بقايا انسان في صورة انسان = وعطني قليل من الوفا واهتمامك

..

.

.

في هالبشر مثلك واكثر شقاوة = ياخي تبسم واحمد الله على الحال

..

.

.

احيان احس اني مع الناس موجود = واحيان احس ان بكوكب الحالي

اواجه الواقع : يجي سهودد ومهود = وياكثر ما أسرح وحيد بخيالي

..

.

.

اخذي الخفوق يذوب في راحة يديك = واخذي بقايا انسان منك يعاني

هاتي الحنان اللي ربي في محانيك = واخذي سنيني ومابقى من زماني

..

.

.

حب التملك والانا والتشدد = اسهل طرق عشان تفقد شريكك

..

.

.

صرنا مع الايام نحمل نقيضين = حرارة الاجواء وبرد المشاعر

..

.

.

راحت ثمان سنين من دون راحة = ضاع العمر مابين شرهات وعتاب

هات الاكيد وهات علم الصراحة = ياحبني : ياخلني اقضب الباب

..

.

.

اطرب لميادة وأطرب لفيروز = واطرب لنغمة عود في تالي الليل

أسير دمعٍ داخل الموق محجوز = لا ارخيت له لحظة تقاطر هماليل

..

.

.

ياللي تظن الحب متعة وافراح = قللي متى بدنياك في يوم حبيت

..

.

.

ماكتبت الشعر لاثبات الحضور = وماكتبته لجل عين المعجبات

ماكتبته يوم لاشباع الغرور = وماكتبته لجل ادور به غناة

ماكتبته لجل ادخال السرور = في قلوبٍ تاهت بدرب الحياة

ماعتبرته لي جوازٍ للعبور = للثراء والمال وانواع الهبات

الشعر عندي احاسيس وشعور = وزفرةٍ بالصدر عيت لاتبات

اكتبه عشان يلمس بك شعور = وهذي عندي من كبار الامنيات

ولجلك اغرد تغاريد الطيور = ياجمل ايامٍ مضت والمقبلات

.

.

.

.

مافيه في دنياي حاجة اكيدة = الا اني احبك واهيم بعذابك

..

.

.

عقلي وقلبي في صراع وخصومة = واحترت احدد مع احدهم مساري ..

..

.

.

الليل في صمته يهيض مشاعر = ويحرك احساس الغلا داخل الروح

..

.

.

ياليت قلبي مثل ساعة بيدي = احطها ع الرف لاجيت بانام

..

.

.

تقول يامحمد تراك البداية = وابغاك يامحمد تكون النهايات

واقول قربك يامنى الروح غاية = يااجمل اللحظات واحلى البدايات

..

.

.

يبقى الوفا لك بالصدر طول العمر لك ذاخره = انا افتخر اني على دروب الخيانة مامشيت ..

..

.

.

احب ريح العود والبن والهيل = والزعفران الصرف ‎احب ريحه‬‏

احن للدلة وصوت المعاميل = واهوى النفوس الصادقة والصريحة

..

.

.

احيان ودي اختفي دون توديع = نفسي اعرف اللي بغيابي فقدني

..

.

.

اضحك وفي صدري من الحزن اكوام = احاول اخفي دمعتي بابتسامة

الحزن مستوطن شعوري من اعوام = مع الزمن بين بوجهي علامة

..

.

.

فل الحجاج ووزع الضحك مجان = خل الحسود يموت من حر غيضة

اضحك ولوك ممتلي هم واحزان = اكو النفوس الحاقدة والمريضة

..

.

.

ليت الزمن يرجع ورا عشرة اعوام = واجلس مع امي باخر العمرة ساعة

ببوس هامتها / يديها والاقدام= وابكي بكا اللي جاير الوقت لاعه

..

.

.

لا لاتظنين إني شايب وعايب = لو شفتي الشيب في وجهي وفي راسي

انا شباب وصغير وبالهوى ذايب = وهذي صدوف الزمان الجاحد القاسي

..

.

.

خذني شعاع ونور لايامك السود = وخذني حزامك فـ الليالي الملمات

ولاينشغل بالك وانا حي موجود = بجيك لو طالت علي المسافات

..

.

.

لامات نايف عقب نايف نوايف = حنا على دربه نطبق مباديه

يارب ارحم عبدك اليوم نايف = واجبر عزا ربعه وناسه واهاليه

..

.

.

مايفرح بموتك يانايف سوى اثنين = عنز الشعيب وكلب حارس لايران

..

.

.

ماني جبان ولا على الامن خايف = نايف بداله فوق عشرين مليون

الحزن في نفسي على فراق نايف = احزن عليه واكثر الناس محزون

..

.

.

( شفيق ياراجل ) خسرت الرياسة = مشكلتك انك كنت ( ادام ) مرسي

مرسي ( قدع ) فاهم بعلم السياسة = ويعرف ( اوي ) و ( ازاي ) يجيب كرسي

..

.

.

شفيق ياراجل ماهو قد مرسي = دخل عليه وطار كرسي الرياسة

مرسي وجاب بتالي العمر كرسي = قدع وفاهم في علوم السياسة

..

.

.



ياشينها لا صار في عينك دموع = وجاك الامر : خفف دموعك بسرعة

الهم في نفسك والاحساس موجوع = وماخذ من الاحزان جرعة وجرعة

..

.

.

ان مات حسني وان بقى حي مامات = راحت حياته بين دحديرة وجرف

ان جاه غيبوبة وان جاه صدمات = ماعاد تفرق ياهل العلم والعرف

..

.

.

أصد عنك وابتعد واتهرب = وادري بأني لك بهالوقت محتاج!

.

.

خلك على فالك وراقب خطاويك = مالك ومال الناس صاحي ومجنون

.

.

اخذي الغرام العذب دون التفاصيل = الحب عندي والتفاصيل عندك

..

.

.

العيون اصدق تعابير الغرام = خافي الاحساس دايم تفضحه

.

.

هالحب متذبذب ولايمكن يعيش = كل الذي حوله يهدد مصيره

.

.

يمكن يكون الدمع عنوان فرحة = ويمكن يكون الضحك دليل احزان ..

.

.

رحلت من دنياي من دون توديع = بعيش باقي العمر مع ذكرياتك

.

.

( الله يبيض وجه سود الليالي ) = ياكثر ماتكشف كثيرين الاصحاب

احدٍ تعده لك رفيقٍ موالي = ولاجا لزومه صك من دونك الباب!

..